އަންނަ އަހަރު ބޭއްވުމަށް ހަމަޖެހިފައިވާ ރައްޔިތުންގެ މަޖިލީހުގެ ހުޅުމާލޭ ދެކުނު ދާއިރާއަށް ޕީޕީއެމް/ޕީއެންސީ ޓިކެޓްގައި ވާދަކުރައްވާނެ ކެންޑިޑޭޓެއް ކަނޑައެޅުމަށް ބާއްވާ ޕްރައިމަރީގައި ވާދަ ކުރައްވާ ރަހުމަތުالله އަޝްރަފް، ދާއިރާގެ ބައެއް ރައްޔިތުންނާ ބައްދަލު ކުރައްވާ އެ ފަރާތްތަކުގެ ކަންބޮޑުވުން އަޑު އައްސަވައިފިއެވެ.
ރޭ ހުޅުމާލޭ ބްރައިޓްވޭ ސްކޫލް ގައި ބޭއްވުނު ކެންޕެއިން ޖަލްސާގެ ތެރެއިން އަޝްރަފްވަނީ ދާއިރާގެ ގިނަ ރައްޔިތުންނާއި ބައްދަލު ކުރައްވައި އެ ފަރާތްތަކުގެ ކަންބޮޑުވުން އައްސަވާފައެވެ.
އަދި ޖަލްސާގައި ވާހަކަ ދައްކަވަމުން އަޝްރަފް އެ މައްސަލަތަކަށް ރަނގަޅު އެދެވޭ ހައްލުތަކެއް ގެނެސްދެއްވުމަށް ސަރުކާރާއި ގުޅިގެން މަސައްކަތް ކުރައްވާނެ ކަމަށް ވިދާޅުވެފައެވެ.
އެގޮތުން، އެކި ސަރަހައްދުތަކުގައި މީހުން ބަހައްޓާފައި ހުންނަ ކުނި ފޫނި ތަކުގެ މައްސަލަ އާއި، މަގުތަކުގެ ދުވާރު މަތީގައި ބިދޭސީން ވިޔަފާރި ކުރާ މައްސަލަ ހައްލު ކޮށްދެއްވާނެ ކަމަށް އަޝްރަފް ވިދާޅުވި އެވެ.
ހަމަ އެހެންމެ، ނުކުޅެދުންތެރިކަން ހުންނަ ފަރާތްތަކަށް ޚާއްސަ ޕާކެއް ހެދުމުގެ މަސައްކަތާއި، ހުޅުމާލޭ މަގުތައް އަމާން ތަނަކަށް ހެދުމަށް ރޯޑް ސޭފްޓީ އާއި ގުޅޭގޮތުން ހޭލުންތެރި ކަމުގެ ޕްރޮގްރާމްތައް ހިންގުމުގެ އިތުރުން ހުޅުމާލޭ ހޮސްޕިޓަލް ތަރައްގީ ކޮށް، އެތަނުގައި ނަފްސާނީ ބަލިތަކަށް ފަރުވާ ހޯދާ ފަރާތްތަކަށް ޚާއްސަ އެހީތަކެއް ފޯރުކޮށްދެވޭނެ މަގު ފަހިކޮށްދެއްވާނެ ކަމަށް އޭނާ ވިދާޅުވި އެވެ.
އޭގެ ފަހަށް މެލޭޝިއާ އާއި އޮސްޓްރޭލިޔާގެ ކްއީންސް ލޭންޑް ޔުނިވާސިޓީން ބިޒްނަސް މެނޭޖްމެންޓް ދާއިރާއިން މަތީ ތައުލީމް ހާސިލު ކުރައްވައިގެން ހުންނެވި އަޝްރަފަކީ އެއާޕޯޓް އެމްޕްލޯއިމެންޓް ރިލޭޝަން މެނޭޖަރެއްގެ މަގާމާއި، މެނޭޖާ ކޯޕަރޭޓް ކޮމިއުނިކޭޝަން ގްރިވާންސްގެ މަގާމު ފުރުއްވާފައިވާ ބޭފުޅެކެވެ.
މީގެ އިތުރުން ރިސޯޓް ސަޕްލައި އާއި ރިސޯޓް ލޭންޑް ސްކޭޕިން އާއި ރިއަލްއެސްޓްޓް ދާއިރާގައިވެސް މަސައްކަތް ކުރައްވާ އަޝްރަފް ވަނީ ވެމްކޯގެ ބޯޑް މެންބަރުކަންވެސް ކުރައްވާފައެވެ.
Advertisement
This content is created and paid for by advertisers and does not involve Voice Journalists
