ރައީސް ޔާމިން މިނިވަން ކުރުމުގެ މަސައްކަތަށް މަގުމައްޗަށް ނުނިކުމެ ތިބެނީ މި ސަރުކާރުގެ އެދުމުގެ މަތިން ކަމަށާއި އެމަނިކުފާނު މިނިވަން ކުރުމުގެ މަސައްކަތަށް މަގުމައްޗަށް ނިކުންނަން ޖެހިއްޖެ ހާލަތެއްގައި އެކަން ކުރުމަށް ތައްޔާރަށް ތިބި ކަމުގައި ޕީއެންއެފްއިން ބުނެއްޖެއެވެ.
އެ ޕާޓީގެ އޮފީހުގައި ރޭ އޮތް ޖަލްސާއެއްގައި ވާހަކަދައްކަވަމުން ކުރީގެ ޓެކްނޮލޮޖީ މިނިސްޓަރު މުހައްމަދު މަލީހު ވަނީ، ރައީސް ޔާމީނަށް މި ސަރުކާރުން އެއްވެސް ދުލެއް ނުދޭ ކަމަށް ވިދާޅުވެ އެމަނިކުފާނަށް ދުލެއް ނުދެވިގެން އުޅޭ ސަބަބާއި ގުޅޭ ގޮތުން ސުވާލު ކުރައްވައިފައެވެ.
ރައީސް ޔާމީނަކީ އެ ވިދާޅުވާ ކަހަަލަ މުޖުރިމެއް ނޫނޭ. މުޖުތަމައަށް ހުރި ބިރެއް ނޫނޭ. އެހެން ހުރިހާ ބޭފުޅުންނަށް މިނިވަންކަމުގައި (އުޅެވޭ) ސިންގަޕޫރުގައި އައިސްކްރީމް ބޮނީ، ފައިވް ސްޓާ ހޮޓަލުގައި. ހަމަ އެކަނި ރައީސް ޔާމީނު ޖަލުގައި ހުންނަވަން ޖެހޭ ސަބަބެއް ނެތޭ
މުހައްމަދު މަލީހު
އެގޮތުން ރައީސް ޔާމިން ވަގުތުން ވަގުތަށް ދޫކޮށްލުމަށް ގޮވާލައި މަލީހުވަނީ އެމަނިކުފާނު މިނިވަން ކުރެއްވުމަށް ޖުމްހޫރީ މައިދާނަށް ނިކުންނަން ޖެހިއްޖެ ހާލަތެއްގައި އެކަންވެސް ކުރައްވާނެ ކަމަށް ވިދާޅުވެފައެވެ.
ވަގުތުން މިނިވަން ކުރާށޭ، ތިޔަ ބޭފުޅުން ވިދާޅުވެގެންނޭ އަަޅުގަނޑުމެން ގެއަށް ވަދެ މިތިބީ. ނިކުންނަން ޖެހިއްޖެއްޔާ މިހާރު ވެސް ނިކުންނާނަމޭ، މަގުމައްޗަށް ވެސް ނުކުންނަން ޖެހިއްޖެއްޔާ ނިކުންނާނަމޭ. ޖުމްހޫރީ މައިދާނަށް ވެސް ދާން ޖެހިއްޖެއްޔާ ދާނަމޭ
މުހައްމަދު މަލީހު
ރައީސް މުއިއްޒުގެ ސަރުކާރު އުފެދުމާއެކު ޕީޕީއެމް/ޕީއެންސީގެ ލީޑަރޝިޕާ ހިޔާލު ތަފާތުވެ، ޔާމީން ވަނީ އެ ޕާޓީ ދޫކުރައްވައިފަ އެެވެ. ދަރިކަލުން ޒެއިން ޔާމީނުގެ މަސްއޫލުވެރިކަމުގައި އާ ޕާޓީއެއް އުފައްދަވަން މަސައްކަތް ފެށްޓެވީ އެހިސާބުންނެވެ.
Advertisement
This content is created and paid for by advertisers and does not involve Voice Journalists
