މިއަދު ފުށިދިއްގަރު ފަޅު ހިއްކުމުގެ މަޝްރޫޢަކީ މިއަދާއި ހަމައަށް ރާއްޖޭގައި ހިންގާ އެންމެ ބޮޑު ބިންހިއްކުމުގެ މަޝްރޫޢުކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެއެވެ.
މި މަޝްރޫޢު އިފްތިތާހުކުރުމުގެ ރަސްމިއްޔާތުގައި ވާހަކަފުޅު ދައްކަވަމުން ރައީސް ވިދާޅުވީ މި މަޝްރޫޢުގެ ދަށުން 1153 ހެކްޓަރުގެ ބިން ފުށިދިއްގަރު ފަޅުން ހިއްކާނެ ކަމަށެވެ. އަދި މި ފަޅަކީ ހުޅުމާލޭގެ ދެ ފިޔަވަހީގެ 3 ގުނަ ބޮދު ފަޅެއްކަމަށް ވެސް ރައީސް ވިދާޅުވިއެވެ.
މި މަސައްކަތް މެދުކެނޑުމެއްނެތި ގޮސް ގާތްގަނޑަކަށް 8 މަސް ދުވަހުގެ މުއްދަތެއްގެ ތެރޭގައި ނިމިގެން ދާނެކަމަށް ވެސް ރައީސް ވިދާޅުވިއެވެ.
"މިއަދު މިތަނުގަ ފެށޭ މަޝްރޫއަކީ މިއަދާއި ހަމަޔަށް ރާއްޖޭގައި ހިންގާ އެންމެ ބޮޑު ބިންހިއްކުމުގެ މަޝްރޫއު. މި މަޝްރޫއުގެ ދަށުން 1153 ހެކްޓަރުގެ ބިން އިރާދަކުރެއްވިޔާ މިއަދު މި ފެށޭ ގޮތަށް ގޮސް މެދުނުކެނޑި ގޮސް ގާތްގަނޑަކަށް 8 މަސް ދުވަހުގެ ތެރޭގައި ނިންމާލާއިރުގައި އޮންނާނީ ހިކިފައި."
ރައީސް މުއިއްޒު
މީގެ އިތުރުން ބޯހިޔާވަހިކަމުގެ މި މަޝްރޫޢުގެ ދަށުން ގުޅީފަޅަށް އިތުރު 85 ހެކްޓަރުގެ ބިން އިތުރުވެގެން ދާނެ ކަމަށާއި އަދި ގިރާވަރު ފަޅަށް ވެސް އިތުރު 50 ހެކްޓަރުގެ ބިން އިތުރުވެގެން ދާނެ ކަމަށް ވެސް ރައީސް ވިދާޅުވިއެވެ. އަދި މި 2 ފަޅު ބުރިޖުގެ ޒަރިއްޔާއިން ގުޅުވާލާނެކަމަށް ވެސް ރައީސް ވިދާޅުވިއެވެ.
މި މަޝްރޫއުތަށް ނިމިގެންދާއިރު މާލޭގެ ރައްޔިތުންގެ ގެދޮރުވެރިކަމުގެ މައްސަލައަށް ހައްލު ލިބިގެން ދާނެ ކަމަށް ރައީސް ވިދާޅުވިއެވެ.
Advertisement
This content is created and paid for by advertisers and does not involve Voice Journalists
