ކަސްޓަމްއިން ބައެއް ކޮންޓެއިނަރުތައް އޭގެ ވެރިފަރާތުގެ ސައިޓަށް ވެއްދުމަށް ފަހު ކްލިޔަރ ކުރާގޮތަށް ނިންމައިފިއެވެ.

މިކަމާ ގުޅޭގޮތުން ކޮމިޝަނަރ ޖެނެރަލް އޮފް ކަސްޓަމްސް ޔޫސުފް މާނިއު ވިދާޅުވީ، މި ގޮތަށް ނިންމުމުން ޖާގައިގެ ދަތިކަން ހައްލުވެ އެމްޕީއެލްތެރެ އަވަސް ގޮތެއްގައި ހުސްވެގެންދާނެ ކަމަށެވެ.

މީގެ ސަބަބުން ކުދި ވިޔަފާރި ކުރާ ފަރާތަކަށް ބޮޑެތި ފަސޭހަތަކެއް ލިބިގެންދާނެ ކަމަށާއި ޑެމަރޭޖް ޗާޖުތައް ވެސް މަދުވެ، އެފިޝަންޓްވެގެން ދާނެ ކަމަށް ވެސް އޭނާ ވިދާޅުވިއެވެ.

Advertisement

މީގެ އިތުރުން މުޅި ޕްރޮސަސްއެއްކޮށް ޑިޖިޓަލައިޒްކޮށް ހުށަހަޅަން ޖެހޭ ފޯމްތަކާއި އިތުރު ލިޔެކިޔުންތައް ޒަމާނީ ތަރައްގީ އާއި ޒަމާނީ ވަސީލަތްތަށް ބޭނުންކޮށް، ފަސޭހަކަމާ އެކީ މަސައްކަތްތައް ނިންމޭނެ ކަމަށް ވެސް އޭނާ ވިދާޅުވިއެވެ. އަދި މި ގޮތަށް ކުރިޔަށް ގެންދިޔުމުން ފިޒިކަލީ އެ މަސައްކަތް ކުރާއިރު އަރާ ކޮންފްލިކްޓްތައް މަދުކުރެވޭނެ ކަމަށް ވެސް އޭނާ ވިދާޅުވިއެވެ.

ބޮޑެތި ވިޔަފާރިވެރިންގެ މުދާ އެމީހުންގެ ސައިޓަށް ކްލިޔަރ ކުރުމުން ކުދި ވިޔަފާރިތަކަށް އަވަސްކަމާ އެކު ސަޕްލައި ލިބި، އެމީހުންގެ ކޮންޓެއިނަރުތައް ވެސް އަވަހަށް ކްލިޔަރވެ، އެމްޕީއެލްތެރޭ ޖާގަ ހުސްވެ ޖާގައިގެ ދަތިކަން ކުޑަކުރެވޭނެ ކަމަށް ވެސް ކަސްޓަމްސްގެ ކޮމިޝަނަރ ޖެނެރަލް ޔޫސުފް މާނިއު ވިދާޅުވިއެވެ.