ރޯޑް ޑިވެލޮޕްމެންޓް ކޯޕަރޭޝަން (އާރްޑީސީ)އާ ހަވާލުކޮށްފައިވާ މަގުހެދުމުގެ މަޝްރޫއުތަކުގެ ތެރެއިން 17 ރަށެއްގެ މަގު ހެދުމުގެ މަސައްކަތް އެ ކުންފުނިން އަލުން ފަށައިފިއެވެ.

މި މަޝްރޫއު އަކީ ނިމިދިޔަ ސަރުކާރުން އެ ކުންފުންޏާއި ހަވާލުކޮށްފައިވާ މަސައްކަތްތަކެކެވެ.

މި މަސައްކަތް އާރުޑީސީއިން ކުރިއަށްގެންދަނީ ރާއްޖޭގެ އުތުރުގެ 4 ރަށެއް އަދި މެދުރާއްޖެތެރޭގެ 7 ރަށެއްގެ އިތުރުން ދެކުނުގެ 6 ރަށެއްގައެވެ.

މިގޮތުން  މަސައްކަތް ފަށާފައިވާ ރަށްތަކަކީ:

އުތުރު:

1. ހއ. ދިއްދޫ

2. ހދ. ކުޅުދުއްފުށި

3. ށ. މިލަންދޫ

4. ރ. ހުޅުދުއްފާރު

މެދުރާއްޖެ:

1. ނ. ހޮޅުދޫ

2. ނ. ވެލިދޫ

3. ޅ. ހިންނަވަރު

4. މ. މުލައް

5. ކ. މާލެ/ އަމީނީ މަގު

6.  އދ. މާމިގިލި

7. ދ. ކުޑަހުވަދޫ

ދެކުނު:

1. ތ. ތިމަރަފުށި

2. ލ. ގަން ފޭސް 2

3. ގއ. ކޮލަމާފުށި

4. ގއ. ވިލިނގިލި ފޭސް 2

5. ގދ. ތިނަދޫ ފޭސް 2

6.  ގދ. ގައްދޫ

މީގެއިތުރުން އަމީނީ މަގުގެ ފަހު 2 ސެގްމެންޓުގައި ތާރުއެޅުމުގެ މަސައްކަތް ވެސް އާރްޑީސީއިން ވަނީ ފަށާފައެވެ. އަމީނީ މަގުގައި މިހާރު ކުރިއަށް ދަނީ ނަރުދަމާގެ އައުޓް ފޯލް ހޮޅި އެޅުމުގެ މަސައްކަތާއި ކާބް ސްޓޯން ޖެހުމުގެ މަސައްކަތުގެ އިތުރުން އޫރިދޫ ވިއުގައަށް ބޭނުންވާ ހޮޅި އެޅުމާއި އެޗްވީ ހޮޅިއެޅުމުގެ މަސައްކަތާއި ސްޓޯމް ވޯޓާ ކްރޮސް ހޮޅި އެޅުމުގެ މަސައްކަތެވެ.

އަދި ގދ. ގައްދޫގެ ވަތަބަނޑޭރި މަގުގައި ކުރަމުންދާ ދުވާރުގެ މަސައްކަތްތަކުގެ %84 ނިމިފައިވާކަމަށް ވެސް އާރުޑީސީއިން ވަނީ ބުނެފައެވެ.