ދަ ޑިމޮކްރެޓްސްގެ ތަރުޖަމާނުގެ މަޤާމަށް ރައްޔިތުންގެ މަޖިލީހުގެ މާފަންނު އުތުރު ދާއިރާގެ މެމްބަރު އިމްތިޔާޒް ފަހުމީ އައްޔަނު ކޮށްފިއެވެ.
އެޕާޓީގެ ނޭޝަނަލް އެސެމްބްލީގެ ފުރަތަމަ ބައްދަލުވުމުގައި، ޕާޓީގެ އަސާސީ ޤަވާއިދުގެ ދަށުން ޕާޓީގެ އިދާރީ ހިންގުމަށް އައްޔަންކުރުމަށް ޕާޓީގެ ރައީސް ހުށަހަޅުއްވާފައިވާ ނަންތައް ކުރިއަށް އޮތް 5 އަހަރަށް ނެޝަނަލް އެސެމްބްލީގެ އަގުލަބިއްޔަތުން އައްޔަނުކުރުމަށް ވަނީ ފާސްކޮށްފައެެވެ.
އޭގެ ތެރޭގައި ހިމެނެނީ ސެކްރެޓަރީ ޖެނެރަލްކަމަށް ޢަލީ ރައްޒާން އާއި ކައުންސެލް ޖެނެރަލްކަމަށް ޢަރުޝަދު ޢަބްދުލްޙަކީމް، ރަޖިސްޓްރާ ޖެނެރަލްކަމަށް ޠާހާ ރަފީޢު އަދި ސްޕޯކްސްޕާސަންކަމަށް އިމްތިޔާޒް ފަހުމީއެވެ.
ދަ ޑިމޮކްރެޓްސްގެ ނެޝަނަލް އެސެމްބްލީގެ 1 ވަނަ ބައްދަލުވުން ބާއްވައިފައިވަނީ މާލޭ ބިލަބޮންގް އިންޓަރނޭޝަނަލް ހައި ސްކޫލްގަޔާއި ވާރޗުއަލްކޮށް ބައިވެރިވެރިވެވޭނެހެނެވެ.
މިބައްދަލުވުން ބާއްވައިފައިވަނީ މިދިޔަ ހަފްތާގެ ބުރާސްފަތި ދުވަހުއެވެ. މި ބައްދަލުވުމުގެ އެޖެންޑާ ޢާންމު ކޮށްފައިވަނީ އިއްޔެގެ ވަގުތެއްގައެވެ.
Advertisement
This content is created and paid for by advertisers and does not involve Voice Journalists
