ދައުލަތުގެ ތެރެއިން މީޑިއާ ތަކަށް އެހީތެރިކަން ފޯރުކޮށްދިނުމަށް މީޑިއާ ވިލެޖެއް ގާއިމް ކުރުމަށް ރައީސް ޑރ މުޙައްމަދު މުޢިއްޒާއި އެމަނިކުފާނުގެ ކެބިނެޓުން ނިންމަވައިފިއެވެ.
މިކަން ހާމަކުރައްވައިފައިވަނީ މިއަދު ރައީސް އޮފީހުގައި ކުރިއަށްދިޔަ ނޫސްވެރިންގެ ބައްދަކުވުމެއްގައި ރައީސް އޮފީހުގެ ސެކްރެޓެރީ ޓު ދަ ޕްރެޒިޑެންޓް އޮން ޕަބްލިކް ޕޮލިސީ، އަބްދު الله ނާޒިމް އިބްރާހިމެވެ.
އިއްޔެގެ ކެބިނެޓް ބައްދަލުވުމުގައި ކެބިނެޓާއި ރައީސް ޑރ މުޢިއްޒު މަޝްވަރާ ކުރައްވައި ނިންމެވި ކަންކަން ވިދާޅުވެ ދެއްވަމުން ނާޒިމް ވިދާޅުވީ މީޑިއާތަކަށް ދައުލަތުން އެހީވުމުގެ ދަށުން ހުށައެޅުނު ކަރުދާހުގައި މަޝްވަރާކޮށް ޚާއްސަކޮށް ދައުލަތުގެ ނިޒާމުގެ ތެރެއިން މީޑިއާތަކަށް ފައިސާ ހޯދަ ދިނުމާއި ގުޅޭގޮތުން ވަރަށް ފުޅާ ދާއިރާއެއްގައި މަޝްވަރާ ކުރެވުނު ކަމަށެވެ.
އަދި މި މަޝްވަރާ ތަކުގެ ދަށުން އެންމެ ފުރަތަމަ ކަމެއްގެ ގޮތުގައި ނިންމުނު އެންމެ މުހިންމު ނިންމުމަކީ މީޑިއާ ވިލެޖެއް އެކުލަވައިލުމަށްޓަކައި ކުރަންޖެހޭ މަސައްކަތްތައް ކަމާއިބެހޭ މުއައްސަސާތަކާއި ގުޅިގެން ކުރިއަށްގެންދިޔުން ކަމަށް ނާޒިމް ވިދާޅުވިއެވެ.
“މީގެ އިތުުރުން ތަފްސީލުކޮށް ދައުލަތުގެ ބަޖެޓުން ވަކި އިންސައިތަ އެއް މީޑިއާތަކަށް ދިނުމަށްޓަަކައި ވާންޖެހޭ ތައްޔާރީތައް ކަމާއި ބެހޭ މިނިސްޓްރީ ތަކުން ކުރިއަށް ގެންދިޔުމަށް ރައީސުލް ޖުމްހޫރިއްޔާ ވަނީ ނިންމަވާފައި”
ރައީސް އޮފީހުގެ ސެކްރެޓެރީ ޓު ދަ ޕްރެޒިޑެންޓް އޮން ޕަބްލިކް ޕޮލިސީ، އަބްދުالله ނާޒިމް އިބްރާހިމް
މިކަންކަމުގެ އިތުރުންވެސް މިއަދުގެ ކެބިނެޓް ބައްދަލުވުމުގައި ނިންމެވި މުހިންމު ކަންކަން ނާޒިމް ވަނީ ޚިއްސާ ކުރައްވައިފައެވެ.
Advertisement
This content is created and paid for by advertisers and does not involve Voice Journalists
