ޕާކިންގެ މައްސަލައަށް ހައްލެއް ގެނައުމަށް އަންނަ މަހު އެއްފަހަރާ 4 ޕާކިންގް ބިލްޑިންގ އެއްގެ މަސައްކަތް ފެށުމަށް ހަމަޖެހިފައިވާ ކަމަށް މާލެ ސިޓީގެ ޑެޕިޔުޓީ މޭޔަރު އަޙްމަދު ނަރީޝް ވިދާޅުވެއްޖެއެވެ.
ނަރީޝް މިހެން ވިދާޅުވީ ސިޓީސް އެންޑް ލޯކަލް ގަވަރަމެންޓް މިނިސްޓްރީ އާއި މާލެ ސިޓީ ކައުންސިލާއި ގުޅިގެން ބޭއްވި ނޫސްވެރިންގެ ބައްދަލުވުމެއްގައެެވެ.
ކޮންމެ އަހަރުކުވެސް ޕޮލިހާއި އެކީގައި ސިޓީ ކައުންސިލްއާއި ކަމާއި ގުޅުންހުރި ހުރިހާ މުއައްސަސާއެއް ގުޅިގެން ރޯދަމަހުގަ ބާޒާރު މައްޗަށް ތައްކަތު ކަމެއް ގެނެވޭ ކަމަށް ނަރީޝް ވިދާޅުވިއެވެ.
އެގޮތުން ހަތަރު ފުރޮޅުލީ އުޅަނދު އެސަރަހައްދަށް ވަކި ވަގުތު ތަކެއްގަ ނުވަދެވޭ ގޮތައް ހަދާ، އެމަސައްކަތް ކުރެވޭކަމަށްވެސް ނަރީޝް ވިދާޅުވިއެވެ.
“އެހެން ނަމަވެސް އެއަށް ވުރެ މިދިޔަ ފަސް އަހަރަށްވުރެ ތަފާތު ބޮޑު ނަތީޖާއެއް ނެރެވޭތޯ އަޅުގަނޑުމެން މަސައްކަތް މިކުރަނީ”
ނަރީޝް ވިދާޅުވީ މިކަމާއި ގުޅުން ހުރި ހުރިހާ މުއައްސަސާއެއް މާދަމާ 11 ޖަހާއިރު ސިޓީ ކައުންސިިލާއި އެލްޖީއޭ މިނިސްޓްރީ އާއި އެކު ކަމާއި ގުޅުން ހުރި ހުރިހާ ވުޒާރާތަކަކާއި އެކީގައި ޕޮލިސީ ލެވެެލް ގަ ނިންމަންޖެހޭ ނިންމުން ތަކެއް ނިންމާ ގެނެވޭނީ ކޮން ކަހަލަ ބަދަލުތަކެއް ތޯ މަޝްވަރާކުރުމަށް ބައްދަލުވުމެއް އޮންނާނެ ކަަމަށެވެ.
މާލެ ސަރަހައްދުގެ ސާފުތާހިރުކަމާއި މާލެ ސަރަހައްދުގެ މި ޓްރެފިކް ފްލޯ އަށް ގެނެވިދާނެ ބަދަލުތަކަކީ ކޮބައި ކަމާއި މިތާނގަ ޤަވާއިދާއި ޚިލާފަށް ޕާކު ކޮށްފަ ހުރި އެއްޗިއްސާއި ދުވަސްވެގެން ހަލާކުވެފަ ނައްތާލަން ޖެހޭ ގޮތައް މާލޭ މަގުތަކުގައި އެހުރި އުޅަނދުތައް ނަގާފަ މިއެއްޗެހިތައް ޓޯ ކޮށްފަ މި ނައްތާލެވޭނެ ނިޒާމަކީ ކޮބައިތޯ މި ބައްދަލުވުމުގައި މަޝްވަރާ ކުރެވޭނެ ކަމަށް ނަރީޝް ވިދާޅުވިއެވެ.
"އަޅުގަނޑުމެން މި ބަލަނީ މިވަގުތުި އަޅުގަނޑުމެންނަށް ގެނެވެން އޮތް އެންމެ ބޮޑު ހައްލަކީ ކޮބައިތޯ؟ ހައްލު ތަކެއް ގެނައުމުގެ މަސައްކަތް ފަށަނީ، އަންނަ މަސްތެރޭގައި އިރާދަކުރެއްވިއްޔާ ކައުންސިލާއި ސަރުކާރާއި އެކީގަ ޕާކިންގެ ބިލްޑިންގ ތަކުގެ ޢަމަލީ މަސައްކަތް ފެށުމަށްޓަކައި ކުރަންޖެހޭ ތައްޔާރީތައް މިހާރު ވަމުން މިދަނީ އިނގޭތޯ، އެހެންވީމަ ހަތަރު ވަރަކަށް ޕާކިންގ ބިލްޑިންގެ މަސައްކަތް އެއްފަހަރާ މިއަންނަ މަސްތެރޭގައި ފެށިގެންދާނެ"
މާލޭގެ ޑެޕިޔުޓީ މެޔަރ އަހްމަދް ނަރީޝް
އެބަދަލުތައް ސަރުކާރު ތެރެއިން އަންނަމުންދާ ވަރަކަށް މާލޭގެ ފްލޯ އަށް އަންނަމުންދާނެ ކަމަށް ނަރީޝް ވިދާޅުވިއެވެ.
Advertisement
This content is created and paid for by advertisers and does not involve Voice Journalists
