ފުލުހުންގެ އެގްޒެކްޓިވް މެނޭޖްމަންޓް ރީ ސްޓްރަކްޗަރ ކުރައްވައި، އެ ބޯޑުގައި ރީޖަނަލް ކޮމާންޑަރުން ހިމަނުއްވަން، ފުލުހުންގެ ކޮމިޝަނަރގެ މަގާމާއި އިއްޔެ ހަވާލުވެވަޑައިގެންނެވި ޢަލީ ޝުޖާޢު ނިންމަވައިފިއެވެ.
މިކަން އިޢުލާން ކުރައްވާފައިވަނީ ސީޕީގެ ރަސްމީ ޓުވިޓާ އެކައުންޓުންނެވެ.
މި ނިންމުމާ ބެހޭ އެއްވެސް އިތުރު މައުލޫމާތެއް މިހާތަނަށް ކޮމިޝަނަރު ހިއްސާކުރައްވާފަ އެއް ނުވެ އެވެ.
އެގްޒެކެޓިވް މެނޭޖްމަންޓް ބޯޑަކީ ފުލުހުންގެ ހިދުމަތުގެ ގާނޫނުގެ 61 ވަނަ މާއްދާގައި ވާގޮތުން، ހޯމް ލޭންޑް ސެކިއުރިޓީ މިނިސްޓަރު ކަނޑައަޅާ ސިޔާސަތުތައް ތަންފީޒު ކުރާނެ ގޮތުގެ ޕްލޭންތައް އެކުލަވާލުމާއި ކޮމިޝަނަރަށް ލަފާ ބޭނުންވާ ކަންކަމުގައި ކޮމިޝަނަރަށް ލަފާ ދިނުމަށް ޕޮލިސް ކޮމިޝަނަރު އެކުލަވާލާ ބޯޑެކެވެ.
އެ މާއްދާގައި އިތުރަށް ފާހަގަކޮށްފައިވާ ގޮތުން ބޯޑުގައި ހިމެނޭ މެންބަރުންގެ ނަންތައް އާންމުކޮށް އިއުލާނުކުރާނީ ކޮމިޝަނަރެވެ. އަދި ބޯޑު ހިންގުމުގެ ގަވާއިދު އެކުލަވާލާނީވެސް ކޮމިޝަނަރެވެ.
ގާނޫނުގެ 62 ވަނަ މާއްދާގައި ވާގޮތުން، އެގްޒެކެޓިވް މެނޭޖްމަންޓް ބޯޑުގައި ތިއްބަވާނީ:
ކޮމިޝަނާ އޮފް ޕޮލިސް
ޑެޕިއުޓީ ކޮމިޝަނާ އޮފް ޕޮލިސް
ކޮމާންޑް އަދި ޑައިރެކްޓަރޭޓް ދަރަޖައިގައި ކަނޑައަޅާފައިވާ ބަހާތަކުގެ ވެރިން
އެ ބޯޑުގެ ރިޔާސަތު ބަލަހައްޓާނީ ޕޮލިސް ކޮމިޝަނަރު ނުވަތަ އޭނާ ކަނޑައަޅާ ފަރާތެކެވެ.
Advertisement
This content is created and paid for by advertisers and does not involve Voice Journalists
