ސަރުކާރު ޚަރަދުގައި ބޯން މެރޯ ހެއްދުމަށް ތެލެސީމިޔާ ބަލީގެ ދެޕޭޝެންޓަކު ފޮނުވުމަށް ހަމަޖެހިއްޖެއެވެ.

ސަރުކާރުގެ ޚަރަދުގައި ބޯން މެރޯ ހެއްދުމަށް ދިޔުމަށް ހަމަޖެހިފައިވާ ދެޕޭޝެންޓުންގެ އާއިލާއާއި ހެލްތް މިނިސްޓަރ ޑރ ޢަބްދުالله ޙަލީލް އިއްޔެ ވަނީ ބައްދަލުކުރައްވައިިފައެވެ.

ހެލްތް މިނިސްޓްރީ އިން ބުނެފައިވަނީ މިދެޕޭޝަންޓުން ފުރަން ހަމަޖެހިފައިވަނީ 2024 ވަނަ އަހަރުގެ ޖެނުއަރީ މަހުގެ 1 ވަނަ ދުވަހުއެވެ.

ތެލެސީމިއާ ޕޭޝަންޓުންނަށް ފަރުވާދިނުމާއި އަދި ތެލެސީމިއާ ކޮންޓްރޯލްކުރުމަށް މި ސަރުކާރުން ވެފައިވާ ވައުދުގެ ދަށުން ބޯންމެރޯ ޓްރާންސްޕްލާންޓް ހެދުމަށްޓަކައި 14 ޑިސެމްބަރު 2023 ގައި ވެސް އެއް ޕޭޝަންޓަކު ވަނީ ފޮނުވާލެވިފައި ކަމަށްވެސް ހެލްތް މިނިސްޓްރީ އިން ބުނެފައިވެއެވެ.

ތެލެސީމިޔާ ޕޭޝަންޓުންނަށް މިހާރު ދެވޭ ޚިދްމަތްތައް ފުޅާކޮށް ހަރުދަނާ ކުރުމުގެ އިތުރުން ހިލޭ ބޯންމެރޯ ޓްރާންސްޕްލާންޓް ހެދޭނެގޮތް ފަހި ކުރުމަކީ ރައީސް ޑރ މުޙައްމަދު މުޢިއްޒު ގެ މެނިފެސްޓޯގައި ހިމެނޭކަމެކެވެ.

މާލޭ ސަރަހައްދުގައި ތެލެސީމިޔާ ހޮސްޕިޓަލެއް ގާއިމުކޮށް، ތެލެސީމިޔާ ޕޭޝަންޓުން ހިލޭ ބޯން މެރޯ ހަދައިދޭން ސަރުކާރުން މިހާރު ވަނީ ނިންމައިފަ އެވެ.

ތެލަސީމިއާ ޕޭޝަންޓުން ބޭނުންވާ ބޭހާއި ކޮންސިއުމަބަލްސް ފަސޭހައިން ލިބޭނެ އިންތިޒާމު އެސްޓީއޯ މެދުވެރިކޮށާއި އާސަންދައިގެ ތެރެއިން ހަމަޖައްސާފައިވެ އެވެ.

ރާއްޖޭގައި ތެލަސީމިއާ ބަލީގެ 650 ޕޭޝަންޓަކު މިހާރުވެސް ފަރުވާ ހޯދަމުންދެއެވެ.