ބ.އަތޮޅުން ކ.އަތޮޅަށް މޫސުން ގޯސްވާނެ ކަމަށް ލަފާކޮށް ރީނދޫ ސަމާލު ނެރެފިއެެވެ.
މޯލްޑިވްސް މީޓްރޮލޮޖީ އިން ނެރެފައިވާ ރީނދޫ ސަމާލުގައި ބުނެފައިވަނީ މިއަދު ހެނދުނު 8:00 އިން ފެށިގެން 13:00 އަށް ބ.އަތޮޅާއި ކ.އަތޮޅަށް ގަޑިއަކު 25 މޭލާއި 30 މޭލާ ދެމެދުގެ ބާރުމިނުގައި ވައި ޖެހި، ކަނޑުތައް ވަރަށް ގަދަވާނެ ކަމަށް ލަފާކުރެވޭކަމަށެވެ.
ހަމަމިއާއި އެކު މިއަދުގެ 7:00 އިން 13:00 އަށް ށ.އަތޮޅުން ދ.އަތޮޅަށް ހުދު ސަމާލުވެސް ވަނީ ނެރެފައެވެ.
އެ ހުދު ސަމާލުގައި ބުނެފައިވަނީ އެސަރަހައްދަށް އެވަގުތުތަކުގައި ގަޑިއަކު 22 މޭލާއި 27 މޭލާއި ދެމެދުގެ ބާރު މިނުގައި ވައި ޖެހޭނެ ކަމަށެވެ. އަދި ހަމަ އެވަގުތުތަކުގައި ކަނޑު ގަދަވާނެ ކަަމަށްވެސް މެޓް އޮފީހުން ވަނީ ލަފާކޮށްފައެވެ.
މިދުވަސް ވަރަކީ މޫސުން ގޯސް ދުވަސް ވަރަކަށް ވެފައި ސްކޫލް ޗުއްޓީ ދުވަސް ވަރު ކަމުން ދަތުުރު ކުރާ މީހުންގެ ޢަދަދު އިތިުރުވާނެތީ ކަނޑުމަތީގެ ސަލާމަތާއި ރައްކާތެރިކަން ކަށަވަރު ކުރުމަށް ކަމާއި ބެހޭ ފަރާތްތަކުން ވަނީ އިލްތިމާސްކޮށްފައެެވެ.
Advertisement
This content is created and paid for by advertisers and does not involve Voice Journalists
