ކޮންމެ މަސްއޮޑިއެއްގައި ރެސްކިޔު ޑައިވަރ އެއްގެ ޕްރޮޖެކްޓުގައި ބައިވެރިވާ މަސްވެރިން ތަމްރީނު ކޮށްދޭނެ ޑައިވިން އިންސްޓަރަކްޓަރުން ހޯދަން ފިޝަރީޒް މިނިސްޓްރީ އިން އިޢްލާނު ކޮށްފިއެވެ.
އެ މިނިސްޓްރީން ސަރުކާރުގެ ގެޒެޓްގައި ކޮށްފައިވާ އިޢްލާނެއްގައި ބުނީ، ޑައިވްކުރުމުގެ ތެރޭގައި މަސްވެރިންނަށް ކުރިމަތިވާ ހިތާމަވެރި ހާދިސާތައް މަދުކުރުމުގެ މަޤްސަދުގައި ދިވެހިރާއްޖޭގައި މަސްވެރިކަން ކުރާ ކޮންމެ އުޅަނދެއްގައި ހަރަކާތްތެރިވާ ފަޅުވެރިންގެ ތެރެއިން މަދުވެގެން އެއް ފަޅުވެރިޔަކީ "ރެސްކިޔު ޑައިވާ" ފެންވަރުގެ ސަނަދެއް ހާސިލްކޮށްފައިވާ ފަރާތެއް ކަމުގައި ހެދުމަށް ރެސްކިޔު ޑައިވާ ޕްރޮގްރާމްގެ ދަށުން ރެސްކިޔު ޑައިވާ ފެންވަރުގެ ކޯސްތައް ހިންގުމަށް ބޭނުންވާ ކަމަށެވެ.
އެކަމަށް ޝައުޤުވެރިވާ ފަރާތްތަކުން މައުލޫމާތު ސާފުކުރުމަށާއި ޕްރޮޕޯސަލް ހުށަހެޅުމަށް އެމިނިސްޓްރީ އިން ވަނީ ހުޅުވާލާފައެވެ.
މައުލޫމާތު ސާފުކުރުމުގެ ސެޝަން އޮންނާނީ އަންނަ ޖެނުއަރި މަހުގެ ހަތަރެއްވާ ބުރާސްފަތި ދުވަހުގެ އެގާރަ ޖަހާއިރު ވެލާނާގެ ހަތްވަނަ ފްލޯގައެވެ. އަންދާނީ ހިސާބު ހުށަހެޅުން އޮންނާނީ ނުވައެއް ޖެނުއަރީވާ އަންގާރަ ދުވަހު އެގާރަ ޖަހާއިރު ވެލާނާގެ ހަތްވަނަ ފްލޯގައެވެ.
އިޢްލާނުގައި ބުނީ ޕްރޮޕޯސަލް ހުށަހެޅުމަށް ކަނޑައަޅާފައިވާ މުއްދަތަކީ ރަސްމީ ބަންދު ނޫން ހަތް (ދުވަހުގެ މުއްދަތެއް ކަމުގައި ވުމުން، އެ މުއްދަތުގެ ތެރޭގައި ސަރުކާރު ބަންދު ދުވަހެއް ކަނޑައަޅައިފި ނަމަ، ދެން ޕްރޮޕޯސަލް ބަލައިގަނެވޭނީ ސަރުކާރު ހުޅުވިގެން ބަންދުވި ދުވަސްތަކަށް ރަސްމީ ދުވަސް ހަމަކޮށް، ޖެހިގެން އަންނަ ރަސްމީ ދުވަހުގެ 11:00 ގައި ކަމަށެވެ.
Advertisement
This content is created and paid for by advertisers and does not involve Voice Journalists
