ރައީސް ޑރ މުޙައްމަދު މުޢިއްޒުގެ ހަފްތާ 14 ތަފާތު ކަމަށާއި މީގެ ކުރީގެ އެއްއަހަރާއި ނުބައްދަލު ކަމަށް މާލިއްޔަތާއި ބެހޭ ވުޒާރާގެ ވަޒީރު މުޙައްމަދު ސައީދު ވިދާޅުވެއްޖެއެވެ.
ވަޒީރު ސައީދު މިހެން ވިދާޅުވީ އޭނާ ކުރެއްވެވި ޓްވީޓެއްގައެއްވެ.
ވަޒީރުގެ ޓްވީޓުގައި ވިދާޅުވެފައިވަނީ ﷲގެ ތަނަވަސް ވާގިފުޅާއިއެކު ރައީސް ޑރ މުޢިއްޒުގެ ފުރަތަމަ އަހަރުވެސް ވެގެންދާނީ ރާއްޖޭގެތާރީޚުގައި އިޤްތިޞާދީ ތަފާތުފެނިގެންދާ އަހަރަކަށް ކަމަށެވެ.
“ރާއްޖެ މުޅިން އައު ހަރުފަތަކަށް ދިއުމަށް ސިނާއީ ބިންގާއެޅި ނަތީޖާފެންނަމުންދާ އަހަރަކަށް، ހަފްތާ 14 ވެސް ތަފާތު، އަދި މީގެކުރީގެ އެއްއަހަރާއި ނުބައްދަލު”
ވަޒީރު ސަޢީދު ވިދާޅުވިއެވެ.
ރައީސް ޑރ މުޢިއްޒުގެ ސަރުކާރުން ހަފްތާ 14 ގައި ފުއްދުމަށް 172 ވަޢުދެއް ވެ ވަޑައިގެން ވަނީ އިޢްލާނުކޮށްފައެވެ.
އޭގެ ތެރެއިން ފުރަތަމަ ހަތަރު ހަފްތާގައި ކުރަން އަމާޒުހިފި ހުރިހާ ކަމެއް މިހާރު ވަނީ ހާސިލް ކޮށް ނިމިފައިކަން ފާހަގަ ކޮށްލަންޖެހެއެވެ.
ފުރަތަމަ ހަތަރު ހަފުތާގައި ޖުމުލަ 17 ކަމެއް ހާސިލް ކޮށްފައިވާއިރު އޭގެ ތެރޭގައި ރާއްޖޭގައި ތިބި "މެމޮރެންޑަމް އޮފް އަންޑަސްޓޭންޑިންގ ފޮރ ކޯޕަރޭޝަން އިން ދަ ފީލްޑް އޮފް ހައިޑްރޯގްރަފީ ބިޓްވީން ދަ ގަވަރމަންޓް އޮފް ދަ ރިޕަބްލިކް އޮފް މޯލްޑިވްސް އެންޑް ދަ ގަވަރމަންޓް އޮފް ދަ ރިޕަބްލިކް އޮފް އިންޑިއާ" އެއްބަސްވުން އައު ނުކުރުމަށް ނިންމުންވެސް ހިމެނެއެވެ.
އަދި ތެލެސީމިއާއަށް ފަރުވާ ހޯދަމުންދާ ކުދިންނަށް މިހާރު ދެވޭ ޚިދުމަތްތައް ފުޅާކުރުމަށް، ހިލޭ ބޯންމެރޯ ޓްރާންސްޕްލާންޓް ހެދޭނެ މަގުފަހިކޮށްދިނުން ވެސް ހިމެނެއެވެ.
ހަމަމިއާއި އެކު ވެލާނާ އިންޓަރނޭޝަނަލް އެއަރޕޯޓު ތަރައްޤީކުރުމުގެ މަޝްރޫއު އަވަސްކުރުމަށް އަޅަންޖެހޭ ފިޔަވަޅުތައް އެޅުމުގައި ނިންމަވާފައިވާ ނިންމެވުންފަދަ ކަންކަން ހިމެނެއެވެ.
Advertisement
This content is created and paid for by advertisers and does not involve Voice Journalists
