އަލް ޢަސްރު ޖަމިއްޔާއިން “ކޫލްނަސް އޮފް ދަ އައިސް” ގެ ނަމުގައި ނަމާދު ވޯކްޝޮޕެއް ބޭއްވުމަސް ހަމަޖެހިއްޖެއެވެ.

އަލް ޢަސްރުގެ ފަރާތުން އާންމުންނަށް ހުޅުވާލައިގެން "ކޫލްނަސް އޮފް ދަ އައިޒް" ގެ ނަމުގައި ބާއްވާ ނަމާދު ވޯރކްޝޮޕް ބޭއްވުމަށް ހަމަޖެހިފައިވަނީ މިއަންނަ ހަފްތާ ބަންދުގައެވެ.މި ވޯރކްޝޮޕަކީ ރާއްޖޭގެ މަޝްހޫރު ދީނީ ޢިލްމުވެރިޔާ އައްޝެއިހް އާދަމް ޝަމީމް ކިޔަވާ ދެއްވާ ވޯރކްޝޮޕެއް ކަމަށާއި ވޯރކްޝޮޕް ބޭއްވުމަށް ހަމަޖެހިފައިވަނީ އިސްލާމީ މަރުކަޒު ހޯލް ގައި ކަމަށް އަލް ޢަސްރު ޖަމިއްޔާ އިން ބުނެފައިވެއެވެ.

އަލް ޢަސްރުގެ ފަރާތުން މައުލޫމާތު ދެއްވި ގޮތުގައި "ކޫލްނަސް އޮފް ދަ އައިސް" ނުވަތަ ލޯތަކުގެ ފިނިކަން ހާއްސަކުރެވިފައިވަނީ ރަމަޟާން މަސް ފެށުމުގެ ކުރިން ނަމާދުގެ ފިޤުހު ހަނދާންކޮށް އާލާ ކުރުމަށާއި ނަމާދާމެދު ހިތުގައި އުފެދިފައިވާ ސުވާލުތަކަށް ޖަވާބު ހޯދުމުގެ ފުރުސަތު އާންމުންނަށް މަގުފަހި ކޮޮށްދިނުމަށެވެ.

Advertisement

މި ވޯރކްޝޮޕްގައި ކިޔަވައި ދެއްވާނީ:-

■ ނަމާދުގެ މަޤާމް

■ ޠަހާރަތު

■ ވުޟޫ

■ ނަމާދު ތަކްބީރުން ފެށިގެން ސަލާމް ދިނުމާ ދެމެދުގައިވާ ހުރިހާ ޛިކުރުތަކާއި ހަރަކާތްތައް

■ ނަމާދުގައި ހެދޭ ގޯސްތައް

އަލް ޢަސްރުން ބުނެފައިވަނީ މި ވޯރކްޝޮޕްގައި ބައިވެރިވުމަށް ބޭނުންފުޅުވާނަމަ ފުރިހަމަ ނަން،އައިޑީ ކާރޑް ނަންބަރު އަދި ފޯން ނަންބަރ ޖެއްސެވުމަށްފަހު އެބޭފުޅުންގެ ހޮޓްލައިން 7925277 އަށް އެސް އެމް އެސް ކޮށްލެއްވުމުން ވޯރކްޝޮޕަށް ރެޖިސްޓްރީ ވެގެންދާނެ ކަމަށެވެ.

ވޯކްޝޮޕްގައި ބައިވެރިވުމަށް ކަނޑައަޅައިފައިވާ ފީގެ އަގަކީ -/350 ރުފިޔާ ކަމަށް އަލް ޢަސްރުން ފާހަގަކުރެއްވިއެވެ.މި ވޯޖްޝޮޕް ކުރިއަށް ގެންދިޔުމަށް ހަމަޖެހިފައިވަނީ ޖެނުއަރީ 2024 ގެ 4 އަދި 5 ވާ ބުރާސްފަތި އަދި ހުކުރު މިދެދުވަހުއެވެ.

ސެޝަންތައް ކުރިއަށް ގެންދިޔުމަށް ހަމަޖެހިފައިވަނީ 4 ޖެނުއަރީ ވާ ބުރާސްފަތި ދުވަހުގެ ރޭ 20:30ން 22:30 އަށެވެ. އަދި 5 ޖެނުއަރީ ވާ ހުކުުރު ދުވަހު ހަވީރު 16:00ން 17:30 އަށާއި ހަމަ އެރޭ 20:00ން 22:00 އަށެވެ. 

މި ވޯކްޝޮޕްގެ މީޑިއާ ޕާޓްނަރ އަކީ "ވޮއިސް" އެވެ.