ރައީސުލްޖުމްހޫރިއްޔާގެ އޮފީހުގެ އިސް ތަރުޖަމާނުގެ މަގާމުގައި ހުންނެވި މުހައްމަދު އެ މަގާމުން ވަކިކުރައްވައިފި އެވެ. 

ތަރުޖަމާނުގެ މަގާމުން އިއްޔެ ޝަހީބު ވަކިކުރެއްވުމަށްފަހު ރައީސުލްޖުމުހޫރިއްޔާ ވަނީ އޭނާ އަށް ފޮރިން މިނިސްޓްރީގެ ސްޓޭޓް މިނިސްޓަރުކަން ދެއްވާފައެވެ. މިކަމާއި ގުޅޭ އޮތުރު ތަފްސީލް ރައީސް އޮފީހުން ހާމައެއް ނުކުރެއެވެ. 

ޝަހީބު، ރައީސް އޮފީހުގެ ތަރުޖަމާނުގެ މަގާމަށް އައްޔަނު ކުރެއްވުނީ، ވެރިކަމާއި ހަވާލުވެވަޑައިގެންނެވުމަށްފަހު، މަހެއް ވާން ގާތްވެފައި ވަނިކޮށް، އެ މާގަމަށް ބޭފުޅަކު ކަނޑައަޅުއްވާފައި ނުވާތީ ސަރުކާރަށް ފާޑުކިޔުންތައް ވެސް އަމާޒުވެފައި ވަނިކޮށެވެ. 

Advertisement

އެގޮތުން އޭނާ އެ މަގާމަށް އައްޔަނު ކުރެއްވުނީ ޑިސެމްބަރު މަހުގެ 13 ވަނަ ދުވަހުއެވެ. 

އޭގެ ފަހުން މަސްދުވަސް ވެސް ނުވަނީސް، ޝަހީބު މަގާމުން ދުރުކުރައްވައި، އެހެން މަގާމަކަށް ބަދަލުކުރައްވާފައި މިވަނީ، ޝަހީބު ކުރިއަށްގެންދަވާ ނޫސްވެރިންގެ ބައްދަލުވުން ތަކާއި ގުޅިގެން ބައެއް ނޫސްވެރިންގެ ފާޑުކިޔުންތައްވެސް އޭނާއަށް އަމާޒުވެފައި ވަނިކޮށެވެ.