އެމްޖީ ސްޕޯޓްސް ކްލަބާއި ފިއޮންޓީ ސްޕޯޓްސް އެކެޑަމީ ގުޅިގެން ކ. ކާށިދޫގައި ފެށުމުން ހަމަޖެހިފައިވަނީ ފުޓްބޯޅަ އެކަޑަމީ ރަސްމީކޮށް ފެށުމުގެ ރަސްމިއްޔާތު ހޯސްޓް ކުރުމަށް ހަމަޖެހިފައިވަނީ ރާއްޖޭގެ މުނިފޫހިފިލުވުމުގެ ދާއިރާގައި ވަރަށް މަޝްހޫރު ފަންނާނެއް ކަމަށްވާ ނަޒިރު ޝިހާމް (ކާއްޓޭ) އެވެ.

ވޮއިސް އަށް މައުލޫމާތު ދެއްވަމުން އެމްޖީ ސްޕޯޓްސް ކްލަބުގެ މީޑިއާ ކޯޑިނޭޓަރު އިބްރާހިމް ޝާބިލް ވިދާޅުވީ ޖެނުއަރީމަހުގެ 6 ވަނަ ދުވަހު ހަވީރު ބޭއްވުމަށް ހަމަޖެހިފައިވާ މިރަސްމިއްޔާތަށް އެކުލަބުން ވަރަށް ބޮޑަށް ތައްޔާރުވަމުން އަންނަކަމަށާއި، މި އިވެންޓުން ހޯސްޓް ކުރުމަށް ކާއްޓޭ ހަމަޖެހިގެން ދިއުމަކީ އިވެންޓަށް ލިބިގެންދާނެ އިތުރު ފުރިހަމަ ކަމެއް ކަމަށެވެ. 

މީގެ އިތުރުން މިރަސްމިއްޔާތުގައި ރާއްޖޭގެ ނަން މަޝްޙޫރު ފުޓްބޯޅަ އަދި ފުޓްސަލް ތަރިން ފެނިގެންދާނެއެވެ.

Advertisement

އިތުރަށް ވާހަކަ ދައްކަމުން ޝާބިލް ވިދާޅުވީ ފިއޮންޓީ ސްޕޯޓްސް އެކެޑަމީ އާއި ގުޅިގެން އެކުލަބުން މިފަށާ ފުޓްބޯޅަ އެކަޑަމީގައި ތަޖުރިބާ ލިބިފައިވާ ފަސް ކޯޗުން މަސައްކަތް ކުރާނެ ކަމަށާއި، އެކަޑަމީގެ ތަމްރީނުތައް ރާވައި ކުރިއަށް ގެންދާނީ ތަޖްރީބާ ކޯޗު މުހައްމަދު ނިޒާމް (ނިޒާމްބެ) ގެ ސީދާ ބެލުމުގެ ދަށުންކަމުގައެވެ. އެކަމަށްޓަކައި އެކުލަބުން ވަނީ ނިޒާމްބެގެ ފިއޮންޓީ ސްޕޯޓްސް އެކެޑަމީ އާއި އެކު އެއްބަސްވުމެއްގައި ސޮއިކޮށްފައެވެ. 

އެމްޖީ ސްޕޯޓްސް ކްލަބުގެ އެކަޑަމީ ފެށުމަށް ހަމަޖެހިފައިވަނީ 106 ކުދިންނާއެކުގައި ކަމަށާ، އޭގެ ތެރޭގައި ހިމެނެނީ 90 ފިރިހެން ކުދިންނާއި 17 އަންހެން ކުދިން ކަމަށް އޭނާ ވިދާޅުވި އެވެ. އަދި ރަޖިސްޓްރޭޝަން ފިއެއްގެ ގޮތުގައި ކޮންމެ ކުއްޖެއްގެ އަތުން 350 ރުފިޔާ ނެގުމަށް ހަމަޖެހިފައިވާއިރު މަހު ފީގެ ގޮތުގައި ނެގުމަށް ހަމަޖެހިފައިވަނީ 250 ރުފިޔާ ކަމަށްވެސް ވިދާޅުވި އެވެ. 

މީގެ އިތުރުން އެކަޑަމީގައި ރަޖިސްޓަރީ ކުރެވިފައިވާ ކުދިންގެ ޖާޒީ ކިޓް އެމްޖީ ސްޕޯޓްސް ކްލަބުގެ އޮފީހުން މިހާރު ލިބެން ހުންނާނެ ކަމަށް ޝާބިން ވިދާޅުވިއެެވެ.