ޢާއްމު ދަތުރުފަތުރަށް އުނދަގޫވާގޮތަށް ޕާކް ކޮށްފައިވާ އުޅަނދުތަކާއި މެދު ފިޔަވަޅު އަޅާނެ ކަމުގެ އިންޒާރު ދިވެހި ފުލުހުންގެ އިދާރާއިން ދީފިއެވެ.
ފުލުހުންގެ ރަސްމީ އެކްސް އެކައުންޓުން މިކަމާއި ގުޅިގެން ކޮށްފައިވާ ޕޯސްޓެއްގައި ވަނީ، ގްރީން ޒޯން ސަރަހައްދާއި، ސަލްމާން މިސްކިތް ހިމެނޭ ސަރަހައްދު އަދި ބޮޑުތަކުރުފާނު މަގުގައި ކަނޑައެޅިފައިވާ ޕާކިންގ ޒޯންތައް ފިޔަވައި އެނޫން ސަރަހައްދުތަކުގައި ޕާކު ނުކުރުމަށް އެދިފައެވެ. އަދި މާލޭގެ ބާރުބޮޑު ސަރަހައްދުތަކުގައި ބަރު އުޅަނދުވެސް ޕާކު ނުކުރުމަށް އެދިފައިވެއެވެ.
އަދި އެ ސަރަހައްދު ތަކުގައި އާއްމު ދަތުރުފަތުރަށް އުނދަގޫވާގޮތަށް ބަހަށްޓާފައިވާ އުޅަނދުތަކާއިމެދު ގާނޫނީ އިމުގެ ތެރެއިން ފިޔަވަޅު އަޅާނެ ކަމަށްވެސް ބުނެފައިވެއެވެ.
މީގެ އިތުރުންވެސް ފުލުހުން ކޮށްފައިވާ އެހެން ޓުވީޓެއްގައި ވަނީ، ސުކޫލް ޗުއްޓީއަށްފަހު މިމަހު 7 ގައި އަލުން ސުކޫލް ހުޅުވޭއިރު، މާލޭގެ އެކި ސުކޫލުތަކަށް ވަދެ ނުކުތުމަށް ދަތިވާގޮތަށް، އަދި ސްކޫލްތަކުގެ ގޭޓް ކުރިމައްޗަށް ވާގޮތަށް ޕާކްކޮށްފައިވާ އުޅަނދުތައް ނެގުމަށް އެދިފައެވެ.
Advertisement
This content is created and paid for by advertisers and does not involve Voice Journalists
