އިސްލާމީ ކަންތައްތަކާ ބެހޭ ވަޒީރު ޑރ. މުޙައްމަދު ޝަހީމް ޢަލީ ސަޢީދު، މައްކާގައި ތިބި ޙައްޖުނކޯޕަރޭޝަންގެ އުމްރާ ވެރިންނާއި ބައްދަލުކުރައްވައިފިއެވެ.
ހައްޖު އެންޑް ޢުމްރާ ކޮންފަރެންސް ގައި ބައިވެރިވެވަޑައިގަތުމަށާއި ހައްޖު އެންޑް އުމްރާ ސާވިސް އެގްރީމެންޓްގައި ސޮއިކުރެއްވުމަށް ވަޒީރު ޑރ. ޝަހީމް ސައުދީއަށް ހުކުރު ދުވަހު ފުރާވަޑައިގެންފައިވާއިރު އެމަނިކުފާނު މިހާރު ހުންނެވީ މައްކާގައެވެ.
މައްކާގައި ހުންނަވައި ވަޒީރު ޑރ. ޝަހީމްވަނީ އިއްޔެ ހައްޖު ކޯޕަރޭޝަނުގެ އުމްރާވެރިންނާއި ބައްދަލު ކުރައްވައި އެ ފަރާތްތަކުގެ ވާހަކަތައް ވަރަށް ގާތުން އަޑުއައްސަވައިފައި ކަމަށް އިސްލާމީ ކަންތައްތަކާއިބެހޭ ވުޒާރާއިން މަޢުލޫމާތު ދެއެވެ.
އަދި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ވަޢުދުފުޅާއި އެއްގޮތަށް، ހައްޖާއި އުމްރާގެ ކަންކަން އިތުރަށް ހަރުދަނާ ކުރައްވާނެ ކަމަށް މި ބައްދަލުވުމުގައި އެމަނިކުފާނު ވަނީ ވިދާޅުވެފައެވެ.
މި ބައްދަލުވުމުގައި މިނިސްޓްރީއާއި ޖިއްދާގައި ހުންނަ ދިވެހިރާއްޖޭގެ ކޮންސިއުލޭޓާއި ހައްޖުކޯޕަރޭޝަންގެ އިސްބައެެއް ބޭފުޅުން ބައިވެރިވަޑައިގެންފައިވެއެވެ.
Advertisement
This content is created and paid for by advertisers and does not involve Voice Journalists
