ރާއްޖެއިން ޗައިނާއާއި އެކު ހަދާފައިވާ މިނިވަން ވިޔަފާރި އެއްބަސްވުމަށް އަމަލު ކުރުމަށް ތައްޔާރު ކުރުމަށް ތައްޔާރަށް ހުންނެވި ކަމަށް ރައީސުލްޖުމްހޫރިއްޔާ ޑރ.މުޙައްމަދު މުއިއްޒު ވިދާޅުވެއްޖެއެވެ.
އެމަނިކުފާނު މިހާރު ޗައިނާއަށް ކުރައްވަމުންގެންދަވާ ފުރަމާނަ ދަތުރުފުޅުގައި ޗައިނާގެ ފޫޖިއާން ޕްރޮވިންސްގެ ފޫޖޯ ސިޓީގައި މިއަދު ފެށި "އިންވެސްޓް މޯލްޑިވްސް" ފޯރަމް ފައްޓަވައިދެއްވަމުން ވިދާޅުވީ ޗައިނާއާއި ރާއްޖެއާ ދެމެދު ސޮއިކުރެވިފައި އޮތް މިނިވަން ވިޔަފާރީގެ އެއްބަސްވުމަކީ ދެ ގައުމުގެ ގާތް ގުޅުން ރަމްޒުކޮށްދޭ ކަމެއް ކަމަށެވެ.
މި އެއްބަސްވުމަކީ ސައުތު އޭޝިއާގެ ގައުމަކާ އެކު ޗައިނާއިން ހެދި ފުރަތަމަ މިނިވަން ވިޔަފާރީގެ އެއްބަސްވުންކަން ވެސް ރައީސް ޑރ.މުއިއްޒުގެ ވާހަކަފުޅުގައި ވަނީ ފާހަގަކުރައްވައިފައެވެ.
މީގެ އިތުރުންވެސް އެމަނިކުފާނު ވިދާޅުވީ ޗައިނާ އާއި ރާއްޖެއާއި ދެމެދު ވެވިފައިވާ މިނިވަން ވިޔަފާރީގެ އެއްބަސްވުމުގެ ސަބަބުން ރާއްޖެއިން އެކްސްޕޯޓް ކުރާ މަހުގެ އުފެއްދުންތަކުގެ މިންވަރު އިތުރުވެގެންދާނެ ކަމަށެވެ.
މިނިވަން ވިޔަފާރީގެ އެއްބެސްވުމެއްގައި ޗައިނާ އާއި އެކު ރާއްޖެއިން ސޮއި ކުރީ 2014 ވަނަ އަހަރުއެވެ. އެއެއްބަސްވުމަށް އަމަލުކުރުމަށް 2017 ވަނަ އަހަރު މަޖިލީހުން ރުހުން ލިބިފައިވީނަމަވެސް 2018 ވަނަ އަހަރު ސަރުކާރު ބަދަލުވުމުން އެ އެއްބަސްވުމަށް އަމަލުކުރުން އޮތީ މަޑުޖެހިފައެވެ.
Advertisement
This content is created and paid for by advertisers and does not involve Voice Journalists
