ރައީސުލްޖުމްހޫރިއްޔާ ޑރ.މުހައްމަދު މުއިއްޒާއި އެމަނިކުފާނުގެ އަނބިކަބަލުން މެޑަމް ސާޖިދާ މުހަައްމަދު ޗައިނާގެ ބެއިޖިންގގައި ދިރިއުޅޭ ދިވެހިންނާއި ބައްދަލުކުރައްވައިފިއެވެ.
މި ބައްދަލުކުރެއްވުމުގައި ރައީސް ޑރ.މުއިއްޒުގެ ދެ ކަނބަލުންގ އަރިހުގައި ދިވެހި ވަފުދުގެ ބޭފުޅުން ވެސް ބައިވެރިވެވަޑައިގެންނެވިއެވެ.
ބެއިޖިންގގައި ދިރިއުޅޭ ދިވެހިންނާއި ބައްދަލުކުރައްވައި ދެއްކެވި ވާހަކަފުޅުގައި ވިދާޅުވީ ރާއްޖެއިން ބޭރުގައި ދިރިއުޅޭ ދިވެހިންނާ ބައްދަލުކުރެއްވުމުގެ ފުރުޞަތު ލިބިވަޑައިގަތުމުން އެކަމާ އުފާ ކުރައްވާ ކަމަށެވެ.
މިބައްދަލުކުރެއްވުމުގައި ބައިވެރިވި ޗައިނާގައި ކިޔަވަމުންދާ ގިނަ އަދަދެއްގެ ދިވެހި ދަރިވަރުންނަށް ބޭރު ޤައުމެއްގައި ކިޔަވަމުންދާއިރު ކުރިމަތިވާ ދަތިތަކާއި، އެކުދިންގެ ތަޖުރިބާއާ ގުޅޭގޮތުން ރައީސް ޑރ.މުއިއްޒު ވަނީ މައުލޫމާތު އޮޅުންފިލުއްވާފައެވެ. އެމަނިކުފާނު ދަރިވަރުންނާއި ދެއްކެވި ވާހަކަފުޅުގައި ބޭރު ޤައުމުތަކުން މަތީ ތަޢުލީމު ޙާޞިލުކުރުމަށް ލިބޭ ފުރުޞަތުތަކުގެ ބޭނުން ހިފުމުގެ މުހިންމުކަމަށް ވަނީ އަލި އަޅުއްވާލައްވާފައެވެ.
މިބައްދަލުކުރެއްވުމުގައި ބައިވެރިވި ދިވެހިން ފާޅުކުރި ކަންބޮޑުވުންތަކަށް ޙައްލު ގެނެސްދެއްވާނެކަމުގެ ޔަޤީންކަން އެމަނިކުފާނު ވަނީ އަރުވާފައެވެ.
Advertisement
This content is created and paid for by advertisers and does not involve Voice Journalists
