Advertisement
ޗައިނާގެ އެއް ސިޓީން އަނެއް ސިޓީއަށް މީހުން އުފުލުމުގެ ހުއްދަ ދީފައިވަނީ ރާއްޖެއަށް އެކަނި: ސައީދު
ޗައިނާގެ އެއް ސިޓީން އަނެއް ސިޓީއަށް މީހުން އުފުލުމުގެ ހުއްދަ ދީފައިވަނީ ރާއްޖެއަށް އެކަނި ކަމަށް އިޤްތިޞާދީ ތަރައްޤީއާއި ވިޔަފާރިއާބެހޭ ވަޒީރު މުޙައްމަދު ސަޢީދު ވިދާޅުވެއްޖެއެވެ.
ދައުލަތުގެ މީޑިއާ (ޕީއެސްއެމް) އަށް ދިން ބަސްދީ ގަތުމެއްގައި ވަޒީރު ސަޢީދު ވިދާޅުވީ، މިނިވަން ވިޔަފާރީގެ އެއްބަސްވުމުގެ ދަށުން ރާއްޖެއިން ޗައިނާގެ ހުރިހާ މަންޒިލަކަށް ވައިގެ ދަތުރުފަތުރުކުރުމުގެ ފުރުޞަތު ލިބިގެންދާނެ ކަމަށެވެ.
އަދި މިއީ ރާއްޖެއަށް އަންނަ ފަތުރުވެރިން އިތުރުކުރުމަށް ލިބޭ ރަނގަޅު ފުރުޞަތެއްގެ ގޮތުގައިވެސް ސަޢީދު ފާހަގަކުރެއްވިއެވެ.
Advertisement
""އެހެންވީމަ އަޅުގަނޑުމެންގެ އޯން އެއަރލައިނެއް، މިސާލަކަށް ޤައުމަށް ފަތުރުވެރިން ގެނައުމުގެ މަސައްކަތް ކުރާ ވަގުތެއްގަ ފްރީޓްރޭޑް އެގްރީމެންޓެއް އައިމަވާގޮތަކީ އިތުރަށް ދަތުރުތައް ފަހިކުރަން ފަސޭހަވެގެންދާނެ. އަޅުގަނޑުމެންނަށް އެބަލިބޭ އެހެން ފުރުޞަތެއްވެސް. އެއީ ޗައިނާގެ އެއްމަންޒިލުން އެހެން މަންޒިލަށް މީހުން ގެންދިއުން. އެއީ މިތަނުން އެއްވެސް ބަޔަކަށް ދެވޭ ހިދުމަތެއް ނޫން. ދިވެހި ރާއްޖެ އެކަނި. އަޅުގަނޑަށް މައުލޫމާތު ލިބފައި އޮތް ގޮތުން އިނގޭތޯ. އަޅުގަނޑަށް ލިބިފައިވާ މައުލޫމާތު ކުށް ނޫންނަމަ ދިވެހި ރާއްޖެއަށް އެކަނި ޗައިނާގެ އެއް ސިޓީން އަނެއް ސިޓީއަށް އަޅުގަނޑުމެން ގެ އެއާލައިން އަކުން މީހުން އުފުއްލަމުން އެބަދޭ."
ސަޢީދު ވިދާޅުވިއެވެ.
އެބޭފުޅާ ވަނީ މިއީ ޗައިނާ އާއި އެކު ވެވުނު އެއްބަސްވުމުގެ އެންމެ ވަރުގަދަ އެއް މަސައްކަތް ކަމަށް ފާހަގަ ކުރައްވާފައެވެ.
ރައީސުލްޖުމްހޫރިއްޔާ ޑރ.މުހައްމަދު މުއިއްޒު މިހާރު ޗައިނާ އަށް ކުރައްވަމުން ގެންދަވާ ފުރަމާނަ ދަތުރުގައި ޗައިނާ އާއި އެކު ވަރަށް ގިނަ އެއްބަސްވުންތަކެއްގައި ސޮއި ކުރުމަށް ވަނީ ހަމަޖެހިފައެވެ. މިގޮތުން މިހާތަނަށް ގެދޮރުވެރިކަމާއި، ސިއްހަތާއި، އުމްރާނީ ތަރައްގީ ގެ އިތުރުން އިގްތިޞާދާއި އާއި ގުޅޭ ގިނަ އެއްބަސްވުން ތަކެއްގައި ސޮއި ކުރައްވާފައިވާކަން ފާހަގަކޮށްލެވެއެވެ.
Advertisement
Advertisement
Advertisement
This content is created and paid for by advertisers and does not involve Voice Journalists
Advertisement
