ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ސަރުކާރުން މިހާރު އިޤްތިސާދީ ގޮތުން އަޅަމުންދާ ފިޔަވަޅު ތަކުން ރާއްޖޭގެ މުސްތަގްބަލް އުޖާލާވާތަން ފެންނަ ކަމަށް ވިޔަފާރިވެރިންގެ ޖަމިއްޔާއިން މިއަދު ވިދާޅުވެއްޖެއެވެ.

ވިޔަފާރިވެރިންގެ ޖަމިއްޔާއިން މިއަދު ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުން އެ ޖަމިއްޔާގެ ރައިސް ޝަހްމީދް އަބްދުالله ވިދާޅުވީ ރައީސް މުއިއްޒުގެ ގެންގުޅުއްވާ އިގްތިޞާދީ ސިޔާސަތު ތަކާއި މެދު އެ ޖަމިއްޔާއިން ހިތް ހަމަޖެހޭ ކަމަށެވެ. 

މިއާއެކު ޝަހްމީދް ވިދާޅުވީ 2026 ވަނަ އަހަރަކީ ދިވެހިރާއްޖެއަށް ދަތިއުދަނގޫ އަހަރަކަށް ވެގެން ދާނެ ކަމަށެވެ. އަދި އެކަމާއިމެދު ސަރުކާރުންވެސް ވިސްނާނެ ކަމަށް ގަބޫލު ކުރައްވާ ކަމަށް އޭނާ ވިދާޅުވި އެވެ.

ޝަމްހީދު އިތުރަށް ވިދާޅުވީ ކުދި އަދި މެދުފަންތީގެ ވިޔަފާރިވެރިންނާއި، ޢާއްމުންގެވެސް އެންމެ ބޮޑު ކަންބޮޑުވުމަކީ ޑޮލަރުގެ ތާށިކަން ކަމަށެވެ. އެގޮތުން އޭނާ ވަނީ ޑޮލަރުގެ އަގު އުފުލެމުންދާ ދިޔުމާއި، އެއާއެކު ތަކެތީގެ އަގަށް އަންނަ ބަދަލު ފާހަގަކުރައްވާފައެވެ.

ޝަމްހީދު ވިދާޅުވީ، މިހާރު ސަރުކާރުން ނަގަމުންދާ ފިޔަވަޅުތަކުގެ ސަބަބުން އިގްތިސާދު އިތުރަށް ހަރުދަނާވެ، ޑޮލަރުގެ އަގު އެއް ހަމައެއްގައި ހިފެހެއްޓި، އާންމު ރައްޔިތުންނަށް ހަމައަގެއްގައި މުދާ ލިބޭނެ އިންތިޒާމު ހަމަޖެހިގެންދާނެ ކަމަށް ގަބޫލު ކުރައްވާ ކަމަށެވެ.

ވިޔަފާރިވެރިންގެ ޖަމިއްޔާއަކީ 1989 ގައި އުފެދި 1994 ގައި ވުޖޫދަށް އައި ޖަމިއްޔާއެކެވެ. އެ ޖަމިއްޔާއަކީ ޒަމާނުއްސުރެ ރާއްޖޭގެ އެތައް މަޤްސަދެއްގެ ސޯޝަލް އިކޮނޮމީގެ ބައިވަރު އޮބްޖެކްޓިވްސް ތަކެއް ހާސިލްކުރަން މަސައްކަތްކުރާ ޖަމިއްޔާއެކެެވެ.