ފިލައިގެން އުޅޭ ދެ ބިދޭސީއަކު ހޯދަން މޯލްޑިވްސް އިމިގުރޭޝަނުން އިއުލާނުކޮށްފިއެވެ.
އިމިގުރޭޝަނުން މީސްމީޑިއާގައި ކުރި ޕޯސްޓެއްގައި ހޯދަން އިއުލާނުކުރީ ބަންގްލަދޭޝް އަށް ނިސްބަތްވާ ދެ މީހުންނެވެ.
އެއީ އެމްޑީ ފައިސަލް (30 އ) އާއި ރާޖަން ހޮސައިން (30 އ) އެވެ.
މި ދެ މީހުން ފޮޓޯ އާންމުކޮށް އިމިގުރޭޝަނުން ވަނީ އެ ދެމީހުންނާބެހޭ މައުލޫމާތެއް ލިބިފައިވާ ފަރާތެއްވާނަމަ 9199017 އަށް ގުޅައި އެކަން ހިއްސާ ކުރުމަށް އެދިފައެވެ.
ރާއްޖޭގައި ގަވާއިދާ ޚިލާފަށް އުޅޭ ބިދޭސީންގެ އަދަދު އިންތިހާއަށް އިތުރުވެފައިވާއިރު، ދާދިފަހުންވެސް ވަނީ ފިލައިގެން އުޅޭ ބިދޭސީ އަންހެނަކު ހޯދުމަށް އިމިގްރޭޝަނުން އިއުލާން ކޮށްފައެވެ.
ގަވާއިދާ ޚިލާފަށް އުޅޭ ބިދޭސީންގެ މައްސަލަ ހައްލުކުރުމަށް ސަރުކާރުން މިހާރު މަސައްކަތް ފަށާފައިވާއިރު، އެފަދަ މީހުން ހޯދުމަށް މިނިސްޓްރީ އޮފް ހޯމް ލޭންޑް އެންޑް ސެކިއުރިޓީއިން މިދިޔަ މަހުގެ ހަތްވަނަ ދުވަހު ޚާއްސަ އޮޕަރޭޝަނެއް ވަނީ ފަށާފައެވެ.
Advertisement
This content is created and paid for by advertisers and does not involve Voice Journalists
