މޯލްޑިވިއަންގެ އެ އެއާލައިން އިން ގެނައުމަށް ނިންމާފައިވާ ހަތަރުވަނަ އޭޓީއާރު މަރުކާގެ ފްލައިޓް ފްރާންސްގައި ޓެސްޓް ފްލައިޓްތައް ކުރިއަށް ގެންދަން ފަށައިފިއެވެ.
އޭވިއޭޝަން ހަބަރުތައް ގެނެސްދޭ "އޭވިއޭޓާސް މޯލްޑިވްސް" އިން މި ބޯޓުގެ ފޮޓޯއެއް އެކްސްގައި ހިއްސާކުރަމުން ބުނީ މި ފްލައިޓް ފްރާންސްގެ ޓޫލޫސްގައި ޓެސްޓް ފްލައިޓްތައް ކުރިއަށް ގެންދާކަމަށާއި މި ފްލައިޓް މި އަހަރުގެ ފެބްރުއަރީ މަހުގެ ތެރޭގައި ރާއްޖެ ގެނެވޭނެކަމަށް މޯލްޑިވިއަން އިން ލަފާކުރާ ކަމަށެވެ.
މޯލްޑިވިއަން އިން ހިދުމަތް ދިނުމަށް ގެންނަ މި ބޯޓަކީ އެ އެއާލައިނުން ގެންނަ އޭޓީއާރު މަރުކާގެ ހަތަރު ވަނަ ބޯޓެވެ. އަލަށް ގެނައުމަށް ހަމަޖެހިފައިވާ އޭޓީއާރު 42-600 މަރުކާގެ ބޯޓުގެ އިތުރުން މިހާރުވެސް އެ މަރުކާގެ ބޯޓެއް އެ އެއާލައިނުގައި އެބައޮތެވެ. މި ދެބޯޓުގެ އިތުރުން މޯލްޑިވިއަނުން އަންނަނީ އޭޓީއާރު 72-600 މަރުކާގެ ދެ ބޯޓު ވެސް ބޭނުން ކުރަމުންނެވެ.
ފްލީޓް ޓްރާންސިޝަންގެ ދަށުން މޯލްޑިވިއަން އިން ޑޭޝް8އެސްގެ މުޅި ފްލީޓްގެ ބަދަލުގައި އާ އޭޓީއާރު ފްލައިޓް ތަކެއް ގެންނަން ނިންމާ، 2025 ވަނަ އަހަރުގެ ނިޔަލަށް ޖުމްލަ 8 އޭޓީއާރު ގެނައުމަށް މޯލްޑިވިއަނުން އަމާޒު ވަނީ އަމާޒު ހިފާފައެވެ.
Advertisement
This content is created and paid for by advertisers and does not involve Voice Journalists
