ކުރިއަށް އޮތް 20 ވަނަ ރައްޔިތުންގެ މަޖިލީހުގައި މޯލްޑިވްސް ޑިވެލޮޕްމަންޓް އެލަޔަންސް (އެމްޑީއޭ) ގެ ލީޑަރު އަހްމަދު ޝިޔާމް މުހައްމަދާއި ޖުމްހޫރީ ޕާޓީ (ޖޭޕީ) ގެ ލީޑަރު ޤާސިމް އިބްރާހިމް ގެ އިތުރުން މޯލްޑިވްސް ނޭޝަނަލް ޕާޓީ (އެމްއެންޕީ) ގެ ލީޑަރު މުހައްމަދު ނާޒިމް ވާދަކުރައްވާ ގޮނޑި ތަކަށް ޕީޕީއެމް އަދި ޕީއެންސީން ކުރިމަތި ނުލުމަށް ނިންމައިފިއެވެ.

ޕީޕީއެމް ޕީއެންސީގެ ފަރާތުން މިއަދު ބޭއްވި ނޫސްވެރިންގެ ބައްދަލުވުމުގައި ވާހަކަފުޅު ދައްކަވަމުން ޕީއެންސީގެ ޗެއާޕާސަން އަބްދުއްރަހީމް އަބްދުالله ވިދާޅުވީ މި ތިން ޕާޓީގެ ލީޑަރުން ކުރިމަތިލައްވާ ދާއިރާތައް އެ ބޭފުޅުންނަށް ދޫކޮށްލާފައިވާ ކަމަށާއި އެދާއިރާއަށް ޕީޕީއެމް އަދި ޕީއެންސީގެ ކޯލިޝަނުން ކުރިމަތި ނުލާނެ ކަމަށެވެ.

އެގޮތުން ޕީޕީއެމް އަދި ޕީއެންސީން ކުރި މަތި ނުލުމަށް ނިންމާފައިވަނީ މިވަނީ ދ.މީދޫ ދާއިރާ އާއި އދ.މާމިގިލި ދާއިރާ އަދި އދ.ދަނގެތި ދާއިރާ އަށެވެ.

Advertisement

މީގެ އިތުރުންވެސް އަބްދުއްރަހީމް ވަނީ ކުރިން ވެސް އެ ކޯލިޝަނުން ނިންމާފައިވާ ގޮތަށް ހުރިހާ ދާއިރާ އަކަށް ވާދަ ކުރާނެ ކަމަށާއި، މި އިންތިހާބުގައި ވާދަ ކުރަނީ މި ގޮތަށް ވިސްނައިގެން ކަމަށް ވިދާޅުވެފައެވެ.