ޕީޕީއެމް/ޕީއެންސީގެ ފަރާތުން 20 ވަނަ ރައްޔިތުންގެ މަޖިލީހަށް ކުރިމަތިލާ ފަރާތެއް ހޮވުމަށް މިއަދު ކުރިއަށްދާ އެކޯލިޝަންގެ ޕްރައިމަރީ އިންތިހާބާއި ގުޅިގެން ހެންވޭރު ދަނޑު ސަރަހައްދުގެ ޓްރެފިކް ފްލޯއަށް ބަދަލު ގެނެސްފިއެވެ.
ފުލުހުން ބުނީ މިއަދު ކުރިއަށްދާ ޕީޕީއެމް/ ޕީއެންސީ މަޖިލިސް ޕްރައިމަރީގެ ވޯޓާއި ގުޅިގެން މަޖީދީ މަގު އިރުން ހުޅަނގަށް ހަތަރު ފުރޮޅުލީ އުޅަނދަށް ނުވަދެވޭގޮތަށް ޖަނަވަރީ މަގާ ހަމައަށް ވަނީ ބަންދުކުރެވިފައި ކަމަށެވެ.
އެސަރަހައްދުގައި ހަރަކާތްތެރިވާ ފުލުހުންގެ އިރުޝާދާ އެއްގޮތަށް އަމަލުކުރެއްވުމަށް ފުލުހުން ވަނީ އިލްތިމާސްކޮށްފައެވެ. އަދި މިބަދަލާ ގުޅިގެން މަގު ބޭނުންކުރާ އެންމެހާ ފަރާތްތަކަށް ދިމާވެދާނެ ދަތިތަކަށް ފުލުހުން ވަނީ މާފަށް އެދިފައެވެ.
ހެންވޭރު ދަނޑު ސަރަހައްދުގައި ބެހެއްޓިފައިވަނީ އަތޮޅު ތަކުގެ ވޯޓް ފޮށި ތަކެވެ.
ޕީޕީއެމް/ޕީއެންސީގެ ޕްރައިމަރީ ކުރިއަށް ދިޔުމަށް ހަމަޖެހިފައިވަނީ މިއަދު ހެނދުނު 10 އިން ހަވީރު 5 އާއި ހިސާބަށެވެ.
މި އިންތިހާބުގައި 73 ދާއިރާ އަކުން 283 ކެނޑިޑޭޓެއް ކުރިމަތިލާފައި ވާއިރު 227 ވޯޓް ފޮއްޓެއް ވަނީ ބަހައްޓާފައެވެ. އަދި ޕީޕީއެމް/ ޕީއެންސީގެ ޕްރައިމަރީ ގައި 71،597 ފަރާތަކަށް ވޯޓް ލެވެއެވެ.
Advertisement
This content is created and paid for by advertisers and does not involve Voice Journalists
