ޕީޕީއެމް/ޕީއެންސީ ކޯލިޝަންގެ މަޖިލިސް ޕްރައިމަރީ ކާމިޔާބު ކުރެއްވި ބޭފުޅުންނާއި ޕީޕަލްސް ނޭޝަނަލް ކޮންގްރެސް (ޕީއެންސީ) ގެ ރައީސް، ރައީސުލްޖުމްހޫރިއްޔާަ ޑރ. މުހައްމަދު މުއިއްޒު ބައްދަލުކުރައްވައިފިއެވެ.
ޕްރޮގްރެސިވް ކޮންގްރެސް އިއްތިހާދުން ބުނީ ރޭ ރައީސް ޑރ.މުއިއްޒު ޕްރައިމަރީގައި ކާމިޔާބު ހޯދި ކެންޑިޑޭޓުންނާއި ބައްދަލުކުރައްވާފައިވާ ކަމަށެވެ.
މި ބައްދަލުވުމުގައި ރައީސް ޑރ.މުއިއްޒުގެ އަރިހުގައި ނައިބު ރައީސް އަލްއުސްތާޒް ހުސައިން މުހައްމަދު ލަތީފް އާއި، ޕީއެންސީގެ ޗެއާޕާސަން އަބުދުއްރަޙީމް ޢަބުދުﷲ (އަދުރޭ) އާއި ޕީޕީއެމް/ޕީއެންސީ ލީޑާޝިޕްގެ ބޭފުޅުން ވަނި ބައިވެރިވެވަަޑައިގެންފައެވެ.
މިމަހުގެ 27 ވަނަ ދުވަހު އެ ކޯލިޝަނުން ބޭއްވި 20 ވަނަ ރައްޔިތުންގެ މަޖިލީހުގައި އެ ކޯލިޝަން ތަމްސީލު ކުރާ ފަރާތެއް ހޮވުމަށް ބޭއްވި ޕްރައިމަރީގެ ގެ ވަގުތީ ނަތީޖާ ވަނީ އިއްޔެ އާންމުކޮށްފައެވެ.
ޕީޕީއެމް/ޕީއެންސީގެ މަޖިލީސް ޕްރައިމަރީގައި 73 ދާއިރާ އަކުން 283 ކެނޑިޑޭޓެއް ކުރިމަތިލިއެވެ.
އަމާޒަކީ ކުރިއަށް އޮތް ރައްޔިތުންގެ މަޖިލީހުގެ އިންތިހާބުގައި މަދުވެގެން 62 ގޮނޑި ކާމިޔާބުކުރުން ކަަމަށް ރައީސް ޑރ.މުއިއްޒު ވަނީ ވިދާޅުވެފައެވެ.
Advertisement
This content is created and paid for by advertisers and does not involve Voice Journalists
