މާލޭ/ހުޅުމާލެ ގުޅޭ ހައިވޭ (ހަލިމަގު)ގައި ދުއްވާފައި ދިޔަ ކާރެއް، ސޯލާ ޕެނަލްތައް ހަރުކޮށްފައި ހުރި ދަނގަޑު ތަކުގައި ޖެހި ނުރައްކާތެރި އެކްސިޑެންޓެއް ހިނގައިފި އެވެ. 

ފުލުހުންގެ މީޑިއާ އޮފިޝަލް ވިދާޅުވީ، މި އެކްސިޑެންޓް ހިނގާފައިވާ ކަމުގެ ރިޕޯޓް ފުލުހުންނަށް ލިބިފައިވަނީ މެންދުރު 12:31 އެހާކަންހާއިރު ކަމަށެވެ.

މިއެކްސިޑެންޓްގައި އެއްވެސް މީހަކަށް އަނިޔާއެއް ވެފައި ނުވި ނަމަވެސް، ކާރަށާއި ސޯލާ ޕެނަލްތަކަށް އެކިވަރުގެ ގެއްލުން ވެފައިވާ ކަމަށް ފުލުހުން ވަނީ ވިދާޅުވެފައެވެ.

މީގެ އިތުރުން މީޑިއާ އޮފިޝަލް ވިދާޅުވީ، މި ހާދިސާއާއި ގުޅިގެން ބަލަން ޖެހޭ ކަންކަން ބަލައި، މައްސަލަ ތަހުގީގު ކުރަމުން އަންނަ ކަމަށެވެ.