ތަވްހީދުގެ މައްޗަށް އަލިއަޅުވާލައި، އަލް ޢަސްރުން ކުރިއަށް ގެންދިޔުމަށް ނިންމާފައިވާ އައްޑަނަ ވޯކްޝޮޕް މިމަހު ނުވަ ވަނަ ދުވަހު ބޭއްވުމަށް ނިންމައި ބައިވެރިވުމުގެ ފުރުޞަތު އަދިވެސް  ހުޅުވާލައިފައިވާ ކަމަށް އެ ޖަމިއްޔާއިން ބުނެފިއެވެ. 

13 އަހަރާއި 20 އަހަރުގެ މީހުންނަށް އަމާޒުކޮށްގެން ކުރިއަށް ގެންދާ މި ވޯކްޝޮޕް އޮންނާނީ އަންނަ ފެބްރުއަރީ މަހުގެ 9 އަދި 10 ވަނަ ދުވަހުގައި ކަމަށް އަލް ޢަސްރުން ބުނެއެވެ. 

އަދި މި ވޯކްޝޮޕް ގައި ކިޔަވައިދެއްވާނީ ދިނި ޢިލްމުވެރިޔާ އައްޝެއިޚު ސާޖިދު މުހައްމަދު އާއި އުސްތާޛް ނިޝާމް އަންވަރު ކަމަށްވެސް ބުނެފައިވެއެވެ. 

Advertisement

މި ވޯކްޝޮޕް މެދުވެރިކޮށް ބައިވެރިންނަށް ތަވްހީދާއި ގުޅުން ހުރި ގިނަ ކަންކަން އުނގަންނައި ދެވިގެންދާނެ ކަމަށް އަސްރުން ފާހަގަކޮށްފައިވެއެވެ. 

އަދި ރަސޫލާ ޞައްލައްالله ޢަލައިހި ވަސައްލަމް ގެ ރިސާލަާއިމެދު އުފައްދާ ސުވާލުތަކާއި މެދު ޢިލްމީ ނަޒަރަކުން ޖަވާބުދެވިގެންދާނެ ކަަމަށްވެސް ބުނެފައިވެއެވެ. 

މި ވޯކްޝޮޕް ގައި ބައިވެރިވާން ބޭނުންވާ ފަރާތްތަކުން، ތިރީގައިވާ މަޢުލޫމާތުތައް 7925277 އަށް އެސްއެމްއެސް ކުރުމަށް އަލް އަސްރުން އެދެއެވެ. 

- ނަން

- އުމުރު

- ގުޅޭނެ ނަންބަރު

- އީމެއިލް އެޑްރެސް

އަސްރުން އިތުރަށް ބުނީ، ވޯކްޝޮޕް ގައި ބައިވެރިވާ ފަރާތްތަކުން ފީއެއްގެ ގޮތުން -/350 ރުފިޔާ ނެގުމަށް ހަމަޖެހިފައިވާ ކަމަށެވެ.