ފ.އަތޮޅު ކައުންސިލްގެ ރައީސް ކަމަށް އިންތިހާބުވި އެންމެ ފުރަތަމަ އަންހެން ރައީސާ އެއްގެގޮތުގައި މިވަގުތު ވެރިކަން ކުރަމުން ގެންދާ ޕާޓީ ، ޕީއެންސީގެ ހައްވާ އަބްދުލް އަޒީޒު ވެގެން ހިނގަންޖެއެވެ.

ފ. އަތޮޅު ކައުންސިލްގެ ރައީސްކަމަށް މެންބަރަކު އިންތިޚާބުކުރުމަށް މިއަދު ބޭއްވި ބައި-އިލެކްޝަން ކާމިޔާބުކުރެއްވި ޕީއެންސީގެ ކެންޑިޑޭޓް ޙައްވާ ޢަބްދުލްޢަޒީޒު ވެގެން ގޮސްފައި މިވަނީ ފ.އަތޮޅު ކައުންސިލްގެ ތާރީޙްގައިވެސް އެ ކައުންސިލްގެ ރައީސްކަން ކުރައްވާ އެންމެ ފުރަތަމަ އަންހެން މެމްބަރުކަމުގައެވެ.

މިއަދު ކުރިއަށް ދިޔަ ބައި-އިލެކްޝަންގައި ހައްވާ ޢަބްދުލްޢަޒީޒަށް 750 ވޯޓު ލިބިފައިވާއިރު، އެމްޑީޕީން ވާދަކުރި ކެންޑިޑޭޓަށް ލިބުނީ 722 ވޯޓެވެ.

މިއަދު ކުރިއަށް މިދިޔަ ފ.އަތޮޅު ކައުންސިލަށް ރައީސަކު ހޮވުމަށް ބޭއްވި ބައި- އިލެކްޝަންގެ އިތުރުން، ވ. ފެލިދޫ ކައުންސިލް ރައީސްގެ ގޮނޑިއަށް މެންބަރަކު އިންތިޚާބު ކުރުމާއި، އަދި ރ. ރަސްގެތީމު އަންހެނުންގެ ތަރައްޤީއަށް މަސައްކަތްކުރާ ކޮމިޓީން ހުސްވެފައިވާ ގޮނޑިއަށް މެންބަރަކު އިންތިޚާބު ކުރުމަށް ބޭއްވި ބައި އިލެކްޝަންވެސް ކުރިއަށް ދިޔައެވެ.

އޭގެ ތެރެއިން ވ. ފެލިދޫ ކައުންސިލްގެ ރައީސަކަށް ހޮވުނީ ޕީއެންސީގެ ކެންޑިޑޭޓް ޙުސައިން ވިސާމެވެ. އޭނާއަށް ލިބުނީ 200 ވޯޓެވެ. އޭނާއާ އެންމެ ކައިރިން ވާދަކުރީ އަމިއްލަ ގޮތުން ވާދަކުރި ކެންޑިޑޭޓް ޢަބްދުއްޝަކޫރު އިބްރާހީމެވެ. އޭނާއަށް ލިބުނީ 106 ވޯޓެވެ. އަދި ރ. ރަސްގެތީމު އަންހެނުންގެ ތަރައްޤީއަށް މަސައްކަތްކުރާ ކޮމިޓީން ހުސްވެފައިވާ ގޮނޑި ކާމިޔާބުކުރީ އެމްޑީޕީގެ ކެންޑިޑޭޓް ޙައްވާ ޢަލީއެވެ. އޭނާއަށް 93 ވޯޓު ލިބިފައިވާއިރު، ޕީއެންސީގެ ކެންޑިޑޭޓަށް ލިބުނީ 86 ވޯޓެވެ.

މި ސަރުކާރު ވެރިކަމަށް އައިފަހުން ބޭއްވި ގިނަ ބައި-އިލެކްޝަންތައް ކާމިޔާބުކޮށްފައިވަނީ ޕީއެންސީއަށް ނިސްބަތްވެލައްވާ ކެންޑިޑޭޓުންނެވެ.