ޘާބިތު ހައްޖު އެންޑް އުމްރާ ގްރޫޕާއެކު، ކުރިއަށް އޮތް ސުކޫލު ބޮޑު ޗުއްޓީގައި އުމްރާގެ އަޅުކަން އަދާ ކުރަން ދިޔުމުގެ ފުރުސަތު ހުޅުވައިލައިފިއެވެ.

ޘާބިތު ހައްޖު އެންޑު ޢުމްރާ ގުރޫޕުން ބުނެފައިވާ ގޮތުގައި މެއި މަހު ފެށޭ ސުކޫލު ބޮޑު ޗުއްޓީއާއި ދިމާކޮށް އެ ގުރޫޕުން ރާވަފައިވާ ޢުމްރާ ދަތުރަކީ 15 ދުވަހުގެ ދަތުރެއް ކަމަށެވެ. އެ ޢުމްރާއަށް އެ ގުރޫޕުން ކަނޑައަޅާފައިވާ އަގަކީ 28,000 ރުފިޔާއެވެ. އަދި ކުރިއާލާ ފައިސާ ދައްކާނަމަ ޚާއްސަ ޑިސްކައުންޓެއް ލިބޭނެ ކަމަށްވެސް ބުނެފައިވެއެވެ. 

މި ދަތުރުގައި އެ ކުންފުނިން ފޯރުކޮށްދޭ ޚިދުމަތްތަކުގެ ތެރޭގައި ދެކޮޅު ޓިކެޓާއި، ޢުމްރާ ވިސާއާއި މައްކާއާއި މަދީނާގައި ތިބުމާއި، ދިވެހި ވަންތަ ކެއުމާއި ބުއިން ހަމަޖައްސައިދިނުމުގެ އިތުރަށް، ޢުމްރާއަށް ތައްޔާރުކޮށްދިނުމަށް ބޭނުންވާ ތަމްރީނާއި، ދުޢާ ކާޑާއި، މައްކާއާއި މަދީނާއަށް ޒިޔާރާތްކުރުމުގެ ދަތުރެއް ހިމެނެއެވެ.

Advertisement

މީގެ އިތުރުން ތިން ޢުމްރާކުރުމުގެ ފުރުސަތާއި، ހަރަމްފުޅާ ކައިރިން ހޮޓާ ފޯރުކޮށްދިނުމުގެ އިތުރަށް އެ ދަތުރުގެ ބައިވެރިންނަށް އެ ގުރޫޕުން އިހުރާމު އަދި ފައިވާންލާ ދަބަސް ވެސް ފޯރުކޮށްދެއެވެ. 

އެ ޚިދުމަތްތަކުގެ އިތުރުން، ހިލޭ ޠާއިފް ދަތުރަކާއި، ޖިއްދާ ދަތުރެއްގެ އިތުރުން އަގީގާއާއި ޞަދަޤާތުގެ ގޮތުގައި ބަކަރި ކަތިލުންވެސް ކުރިއަށް ދާނެ ކަމަށް އެ ގުރޫޕުން މައުލޫމާތު ދެއެވެ.

އުމްރާ ދަތުރު ތަކަށް ރަޖިސްޓަރީކުރައްވައި ޖާގައެއް ކަށަވަރުކުރެއްވުމަށް ދައްކަންޖެހޭނީ 5،000 ރުފިޔާއެވެ. އަނެއްބައި ފައިސާ ބަހާލައިގެން ދެއްކުމުގެ ފުރުސަތު އޮތް ކަމަށް ޘާބިތުން މައުލޫމާތު ދެއެވެ. 

މި ދަތުރުތަކާ ގުޅޭ އިތުރު މައުލޫމާތު އޮޅުންފިލުއްވުމަށް ބޭނުންފުޅުވާ ބޭފުޅުން 7907074 ނުވަތަ 9402423 ނަންބަރަށް ގުޅުއްވުމުން އިތުރު މައުލޫމާތު ލިބިވަޑައިގަންނަވާނެއެވެ.