ތެލެސީމިއާ ބަލި ވާރުތަކުރާކަން ނުވަތަ ނޫންކަން ކަށަވަރުކުރުމަށް ހަދަން ޖެހޭ ޑީ.އެން.އޭ ޓެސްޓާއި، ތެލެސީމިއާ ކުދިން ހަދަންޖެހޭ އެމްއާރްއައި ޓީ2 ސްޓަރ ޓެސްޓަށް އާސަންދަ ދޫކުރަންފަށައިފިއެވެ. 

އާސަންދައިން ބުނެފައިވާ ގޮތުން، 22 ފެބްރުއަރީ (އިއްޔެ) އިން ފެށިގެން ޑީ.އެން.އޭ ޓެސްޓާއި، އެމްއާރްއައި ޓީ2 ސްޓަރ ޓެސްޓަށް އާސަންދަ ލިބޭނެ ކަމަށެވެ.

އެގޮތުން އާސަންދައިގެ ދަށުން ޑޭއެންއޭ ޓެސްޓް ފެމިލީ ޕްލޭނިންގ ސެންޓަރ (ޝީީ) އިން އަދި، ޓީ2 ސްޓަރ ޓެސްޓަށް ހުޅުމާލޭ ހޮސްޕިޓަލުން ހެދޭނެ ކަމަށް ބުނެފައި ވެއެވެ. 

Advertisement

މިދެ ކަމަކީވެސް، ރައީސުލްޖުމްހޫރިއްޔާ ޑރ މުހައްމަދު މުޢިއްޒުގެ ހަފްތާ 14 މަގުޗާޓުގައި ހިމެނިގެން ކުރިއަށް ގެންދިޔުމަށް ނިންމި ކަންކަން ކަން ފާހަގަކޮށްލަންޖެހެއެވެ. 

މީގެ އިތުރުން، ތެލެސީމިއާ ކުދިންނަށް ބޭނުންވާ ބޭސް އާސަންދަ މެދުވެރިކޮށް އެހެނިހެން ބޭސް ލިބޭ އުސޫލުން ލިބޭނެ އިންތިޒާމް ވެސް މިހާރު ވަނީ ހަމަޖައްސާފައެވެ.

އަދި ހިލޭ ބޯންމެރޯ ޓްރާންސްޕްލާންޓް ހެދޭނެ ގޮތް މަގުފަހިކުރުމުގެ ގޮތުން ކޮންމެ އަހަރަކު 10 ކުދިން ފޮނުވުމަށް ހަމަޖެހި، މިހާތަނަށް 5 ކުދިން ފޮނުވާފައިވެއެވެ.