ރާއްޖޭގައި ހިންގޭ އިޤްތިޞާދީ އެންމެ ބޮޑު މަޝްރޫޢު ފެށިގެންދާނީ ތިލަދުންމަތީ އުތުރުބުރި، ހއ. އަތޮޅުގައި ކަމަށް ރައީސުލްޖުމުހޫރިއްޔާ ޑރ.މުހައްމަދު މުއިއްޒު ވިދާޅުވެއްޖެއެވެ.
އެމަނިކުފާނު މިފަދައިން ވިދާޅުވެފައި ވަނީ ރާއްޖޭގެ އުތުގެ 4 އަތޮޅަކަށް މިއަދު ފެއްޓެވި ދަތުރުފުޅުގައި ހއ. ހޯރަފުށްޓަށް މިއަދު ވަޑައިގެން އެރަށުގެ ރައްޔިތުންނާއ ބައްދަލުކުރައްވާ ދެއްކެވި ވާހަކަފުޅުގައެވެ.
އެމަނިކުފާނު ވިދާޅުވީ މި ސަރުކާރުވެރިކަމާއި ހަވާލުވެ ވަޑައިގެންނެވިއިރު ރާއްޖޭގެ އިޤްތިޞަދީ ހާލަތު އޮތްގޮތުން ތަރައްޤީގެ މަސައްކަތްތައް ކުރުމުގައި ގިނަ ގޮންޖެހުންތަކެއް ހުރި ނަމަވެސް މަޑުމަޑުން އެކަންތައްތަކުން އަރައިގަނެވި ރާއްޖޭގެ އިޤްތިޞާދު ރަނގަޅު މިސްރާބަކަށް ދާން ފަށާފައިވާ ކަމަށެވެ.
އެގޮތުން ރާއްޖޭގައިވާ ކުންފުނިތައް ހަމަ މަގަށް އަޅުވާ އިތުރު ކުންފުނިތައް އުފައްދާ އެކުންފުނިތަކުގެ އެހީގައި ރާއްޖޭގައި ތަރައްޤީގެ މަޝްރޫޢުތައް ހިންގުމަށް ތައްޔާރުވަމުން އަންނަކަމަށް އެމަނިކުފާނު ވިދާޅުވިއެވެ.
"އަޅުގަނޑުމެން އަލަށް މިއުފެއްދީ ރާއްޖޭގެ އެންމެ ބޮޑު ފަސް ކުންފުނި އެއްކޮށްލައިގެން އުފައްދާފައިވާ މޯލްޑިވްސް އިންޑަސްޓްރިއަލް ޑިވެލޮޕްމަންޓް ފްރީޒޯން ކިޔާކުންފުންޏެއް، އެފަސްކުންފުނި އެއްވެގެން އުފެއްދި މިކުންފިނިން މި މިއަތޮޅުތެރޭގައި މި ސަރަހައްދުގައި އިރާދަކުރެއްވިއްޔާ ފަށާ މަޝްރޫޢު ވެގެންދާނީ މި ރާއްޖޭގައި ފެށޭ އިޤްތިޞާދީ އެންމެ ބޮޑު މަޝްރޫޢުއަށް"
ރައީސުލްޖުމުހޫރިއްޔާ ވިދާޅުވިއެވެ.
ރައިސުލްޖުމުހުރިއްޔާ ޑރ.މުހައްމަދު މުއިއްޒު އިތުރަށް ވިދާޅުވި ގޮތުގައި މި މަޝްރޫއުގެ ނަމެއްގެ ގޮތުގައި ބޭނުންކުރާނީ މޯލްޑިވްސް އިކޮނޮމިކް ގޭޓްވޭ ކަމަށާއި އެނަން ކީ ކަމުގައި ވިޔަސް އެ މަޝްރޫޢުން ލިބެންވާފައިދާ އެންމެހައި ރައްޔިތުންނަށް ލިބިގެން ދާނެ ކަމަށެވެ.
މިރަސްމިއްޔާތުގައި ހޯރަފުށްޓަށް އެމަނިކުފާނު ކޮންދެއްވާނެކަމަށް ވަޢުދުވެ ވަޑައިގެންނެވި ހުރިހައިކަމަކާއި، އަދި އޭގެ އިތުން މިއަދު ކައުންސިލާއި ބައްދަލުކުރެއްވުމުން ކައުންސިލުން އެދުނު ހުރިހާކަމެއްވެސް ކޮށްދެއްވާނެކަމުގެ ޔަޤީންކަށް ދެއްވާކަމަށް ވިދާޅުވިއެވެ.
Advertisement
This content is created and paid for by advertisers and does not involve Voice Journalists
