ދުނިޔޭގެ އެކި ކަންކޮޅުތަކުގައި ހާލުގައި ޖެހިފައިވާ ފަރާތްތަކަށް އެހީތެރިކަން ފޯރުކޮށްދިނުމުގައި ހަރަކާތްތެރިވާ ރާއްޖޭގެ ޖަމާޢަތެއްކަމަށްވާ އިންޓަރނޭޝަނަލް އެއިޑް ކެމްޕެއިން (އައިއޭސީ)ގެ "ލޯތްބާއިއެކު 2024" ކެމްޕެއިން މެދުވެރިކޮށް މިއަހަރުގެ ރަމަޟާންމަހުގައިވެސް ހާލުގައި ޖެހިފައިވާ ފަރާތްތަކަށް އެހީވުމުގެ ފުރުސަތު ހުޅުވާލައިފިއެވެ. 

ލޯތްބާއިއެކު ޕްރޮޖެކްޓަކީ 2018 ވަނަ އަހަރުގެ ތެރޭގައި ރަމަޟާން މަހަށް ޚާއްޞަކޮށް އައިއޭސީއިން އިފުތިތާހުކުރި ޕްރޮޖެކެޓެވެ.

މި ޕްރޮޖެކްޓުގެ އެންމެ މައިގަނޑު މަޤްޞަދަކީ ރަމަޟާން މަހުގެ ތެރޭގައި ދުނިޔޭގެ އެކި ކަންކޮޅުތަކުގައި ހާލުގައި ޖެހިފައިވާ ފަރާތްތަކަށް އެހީފޯރުކޮށްދިނުމެވެ. 

އެގޮތުން، މިއަހަރު މިކެމްޕެއިން މެދުވެރިކޮށް، މެދުއިރުމަތީގައި 7 ގައުމަކާއި، އެފްރިކާގެ 10 ގައުމަކާއި، އޭޝިޔާގެ 9 ގައުމެއްގެ އިތުރުން ޔޫރަޕްގެ ތިން ގައުމަކަށް އެހީވުމަށް ނިންމާފައިވާ ކަމަށް އައިއޭސީން ބުނެއެވެ. 

އެހެންކަމުން، އެ ގައުމުތު ތަކުގައި ދިރިއުޅެމުންދާ މުސްލިމުންނަށް އެހީވުމަށް ބޭނުންވާ ފަރާތްތަކުން އަންނަނިވި އެކައުންޓަށް ފައިސާ ޖަމާކުރުމަށް އައިއޭސީން އެދެއެވެ.

ބޭންކް: ބީއެމްއެލް އިސްލާމިކް

އެކައުންޓް ނަމްބަރު: 7770000062740 

އެކައުންޓް ނަން: އިންޓަނޭޝަނަލް އެއިޑް ކެންޕެއިން

އެކައުންޓް ލޭބަލް: IAC l Seasonal 

ނިމިދޔަ އަހަރުވެސް ލޯތްބާއެކު ކެންޕެއިން މެދުވެރިކޮށް ދުނިޔޭގެ އެކި ކަންކޮޅުތަކުގައި ތިބި މުސްލިމުންނަށް އިފްތާރު ޕެކޭޖު އައިއޭސީން ބަހާފައިވެއެވެ.