ޢުމުރުން 85 އަހަރުގައި، މާލެ، ގ. ސެފްރަން، އިބްރާހީމް ޝާކިރު ނިޔާވެއްޖެއެވެ.
ޝާކިރުބެ ނިޔާވެފައި ވަނީ ސްޓްރޯކެއް ޖެހިގެން، ހޮސްޕިޓަލުގައި ފަރުވާ ދެމުންދަނިކޮށް އިއްޔެގެ ވަގުތެއްގައި ކަމަށް މައުލޫމާތު ލިބެއެވެ. ޝާކިރުބެގެ ކަށު ނަމާދު އޮންނާނީ މިއަދު މެންދުރު ނަމާދަށްފަހު އާސަހަރާ މިސްކިތުގައެވެ.
1990 ގެ އަހަރު ތަކުގެ ތެރޭގައި ޓެލެވިޒަން މޯލްޑިވްސް، ޓީވީއެމްގައިވެސް މަސައްކަތް ކުރެއްވި ޝާކިރުބެ ވަނީ އެތަނަށް ވަރަށް ގިނަ ޚިދުމަތްތަކެއް ކޮށްދެއްވާފައެވެ.
އެގޮތުން ޓީވީއެމްގެ ޑިއުޓީ އޮފިސަރެއްގެ ވަޒީފާގައި ހުންނަވައިގެން ޓީވީއެމްއަށް ގިނަ މަސައްކަތްތަކެއް ކޮށްދެއްވާފައި ވާއިރު، އެކަންކަން ހިލޭ ސާބަހަށް ގިނަ މަސައްކަތްތަކެއް އޭނާ ކޮށްދެއްވާފައި ވެއެވެ.
ޝާކިރުބެ އަކީ ކުރީގެ ޗީފް އޮފް ޑިފެންސް ފޯސް އަހުމަދު ޝިޔާމްގެ ބައްޕާފުޅުވެސް މެއެވެ.
Advertisement
This content is created and paid for by advertisers and does not involve Voice Journalists
