ރާއްޖޭގެ ފުންނާބު އުސް ދީނީ ޢިލްމުވެރިޔާ އައްޝެއިޚު ޑރ.އާދަމް ޝަމީމް ގެ "މަރުހަބާ ރަމަޟާން" ދަރުސް މާދަމާރޭ ބާއްވާގޮތަށް ހަމަޖެހިއްްޖެއެވެ. 

އިސްލާމީ ކަންތައްތަކާ ބެހޭ ވުޒާރާއިން އިންތިޒާމް ކޮށްގެން ކުރިއަށް ގެންދާ މި ދަރުސް އޮންނާނީ މާދަމާ ރޭ 20:30 ގައި މާލޭ އާޓިފިޝަލް ބީޗް ސަރަހައްދުގައެވެ. 

ޑރ.ޝަމީމަކީ ޙަދީޘާއި އިސްލާމީ ތައުލީމުގެ ރޮނގުން މަތީ ތައުލީމު ހާސިލްކުރައްވައިފައިވާ ޝެއިޚެކެވެ.
ހުކުރު ޚުތުބާ ވިދާޅުވުމުގެ އިތުރުން ވަރަށް ގިނަ ދީނީ ދަރުސްތައް މާލޭގައާއި އަތޮޅުތެރޭގައި ޝެއިޚް އަންނަނީ ދެއްވަމުންނެވެ.

Advertisement

އެގޮތުން ފާހަގަކޮށްލެވޭ ދަރުސްތަކުގެ ތެރޭގައި އަންދަލުސް ދަރުހާއި، ދާދިފަހުން ފަލަސްޠީނުގެ ހާލަތާއި ގުޅޭ ގޮތުން ދެއްވި "ނަކްބާ" ދަރުސް ފާހަގަކޮށްވެއެވެ.

މީގެ އިތުރުން މިއަހަރުގެ އަމީރުލް ޙައްޖުގެ ގޮތުގައި ރާއްޖެއިން ހައްޖަށްދާ މީހުންގެ ކަންކަން އެންމެ އިސްކޮށް ބަލަހައްޓަވާ ފަރާތެއްގެ ގޮތުގައިވެސް އިސްލާމީ ކަންތައްތަކާ ބެހޭ ވުޒާރާއިން ހަމަޖައްސަވާފައިވަނީ ޑރ. ޝަމީމެވެ. 

އަދި މާދަމާރޭ މަރުހަބާ ރަމަޟާން ގެ ނަމުގައި ޝެއިޚް ދަރުސް ދެއްވަން ނިންމަވާފައި ވާއިރު، ކަލަންޑަރ ދައްކާގޮތުން މިއަހަރުގެ ރަމަޟާންމަހުގެ ފުރަތަމަ ދުވަހަކީ މިފެށޭ މާރިޗު މަހުގެ 11 ވަނަ ދުވަހެވެ.