އުރީދޫ މޯލްޑިވްސްއިން މިދިޔަ އަހަރުގެ ރޯދަމަހާ ގުޅުވައިގެން ތައާރަފްކުރި އަދި ކަސްޓަމަރުންގެ ތެރޭގައި މަގުބޫލު ވެގެން ދިޔަ ޕްރޮމޯޝަނެއް ކަމަށްވާ ހަދިޔާ ފޮށި ޕްރޮމޯޝަން މިއަހަރު ވެސް ކުރިއަށް ގެންދިޔުމަށް އެ ކުންފުނިން ނިންމައިފިއެވެ.

އުރީދޫ އިން ބުނީ އުރީދޫ ސުޕަރއެޕްގައި ހަދިޔާ ފޮށި މެދުވެރިކޮށް އެތައް އިނާމުތަކެއް ލިބުމުގެ ފުރުސަތު ކަސްޓަމަރުންނަށް ލިބިގެންދާނެ ކަމަށެވެ. މީގެ ތެރޭގައި ޑެއިލީ އަދި ވީކްލީ ހަދިޔާ ހިމެނޭއިރު، މި ޕްރޮމޯޝަނުން ލިބޭ ހަދިޔާ ތަކުގެ ތެރޭގައި ބޯނަސް ޑޭޓާ، ގިފްޓް ވައުޗަރ، މޮބައިލް ފޯނު، ޕީއެސް 5 އަދި އެޕަލް ވިޝަން ޕްރޯ ހިމެނެއެވެ.

އުރީދޫއިން ބުނީ 500ރ އިން މަތީ ޑޭޓާ ޕެކް ނެގުމުން %60 އާހަމައަށް ބޯނަސް ޑޭޓާ ލިބިގެންދާނެ ކަމަށާއި މި އޮފަރ ގައި ޕޯސްޓްޕެއިޑް އަދި ޕްރީޕެއިޑް ކަސްޓަމަރުންނަށް ވެސް ބައިވެރިވެވޭނެ ކަމަށެވެ.

ރޯދަ މަހުގެ ތެރޭގައި ފެށޭ މިއޮފަރ ގައި އެއް ކަސްޓަމަރަކު އަނެއް ކަސްޓަމަރަށް ޑޭޓާ ޕެކް ހަދިޔާ ކުރެވޭއިރު، އަލަށް ސުޕަރނެޓު ނަންގަވާ ފަރާތްތަކުގެ މެދުގައި ކޮންމެ ހަފްތާއަކު ނެގޭ ގުރުއަތަކުން ހޮވޭފަރާތަކަށް ހާއްސަ އިނާމެއް ލިބޭނެއެވެ. މި އިނާމަށް އުރީދޫއިން ކޮންމެ ހަފްތާއަކު ގްރޭޓާރ މާލެ އޭރިއާ، ސެންޓްރަލް، ނޯތު އަދި ސައުތު ރީޖަން އިން ނަސީބުވެރިން ހޮވުމަށް ވަނީ ހަމަޖެހިފައެވެ.

މީގެ އިތުރުންވެސް ރޯދަމަހާ ގުޅުވައިގެން އުރީދޫއިން ވަނީ އެމް-ފައިސާ މެދުވެރިކޮށް ފަސޭހަކަމާއެކު ކޮންމެ ތަނެއްގައި ހުރެގެންވެސް އިފްތާރު ޕެކެއް ހަދިޔާ ކުރެވޭ ގޮތް ވެސް ފަހިކޮށްދީފައެވެ. މި ޕެކްތައް ބެހުމަށް ހަމަ ޖެހިފައިވަނީ ބުރުޒު ކޭޓަރިންނާއިއެކު މިސްކިތްތަކަށް ކަމަށް އުރީދޫ އިން މައުލޫމާތު ދެއެވެ. 

ހަމައެއާއި އެކު އުރީދޫގެ ޕްރޭޔާ އެލާޓް އެކްޓިވޭޓް ކުރުމުން، ނަމާދު ވަގުތުގެ 15 މިނިޓު ކުރިން އެލާޓެއް ފޯނަށް ލިބޭއިރު، މި ޚިދުމަތަށް އުރީދޫ އިން އިތުރު އަގެއް ނުނަގާނެއެވެ. މިއާއި އެކު އުރީދޫއިން ވަނީ އެމް-ފައިސާ މެދުވެރިކޮށް ފަސޭހަކަމާއެކު ކޮންމެ ތަނެއްގައި ހުރެގެންވެސް ފިތުރު ޒަކާތް ދެއްކޭނެ ގޮތް ވެސް ފަހި ކޮށްދީފައެވެ.

މީގެ އިތުރަށް އުރީދޫ އިން ގެ މިރޯދަމަހަށް ތައާރަފްކުރުމަށް ހަމަޖެހިފައިވާ ތައާރަފު ސީ.އެސް.އާރު ޕްރޮގްރާމް "އިސްރަށްވެހިންނާއި އެކު"، މި ޕްރޮގްރާމްގެ އެކި ހަރަކާތްތަށް މުޅި އަހަރަށް ބަހާލެވިގެންދާނެއެވެ.

މިހުރިހާ ކަންކަމުގެ އިތުރުންވެސް އުރީދޫ އިން ކުރިއަށް ގެންދިޔުމަށް ރާވާފައި ހުރި ކަންކަމުގެ ތެރޭގައި ޒުވާނުންނާއި އިސްރަށްވެހިންނާއިއެކު ރޯދަވިއަލާ ހިޔާލު ބަދަލު ކޮށްލެވޭނެ މާހައުލެއް ގާއިމު ކުރެވޭ ރޯދަވީއްލުމެއް ބޭއްވުމާއި، ސޯޝަލް މީޑިއާ މެދުވެރިކޮށް ކުރިއަށްދާ ކުއިޒުން ހޮވޭ ނަސީބުވެރި ފަރާތަކަށް ދެވޭ އުމްރާ ދަތުރާއި، އަތޮޅު ދުވުމުގެ ލީޑަރބޯޑުގެ އެއްވަނަ އަށް ދާ ފަރާތަކަށް ދެމީހުންގެ އުމްރާ ދަތުރެއް ދިނުން ހިމެނެއެވެ.