މާލޭގެ މަގުމަތީގައި ރައްޔިތުންނަށް އުދަގޫވާ ގޮތަށް ކުނި ބަހައްޓާ ފަރާތްތަކުގެ ފޮޓޯ އަދި ވިޑިއޯ މާލެ ސިޓީ ކައުންސިލަށް ފޮނުވުމަށް އެ ކައުންސިލުން އެދެފިއެވެ.
މާލެ ސިޓީ ކައުންސިލުން މިފަދައިން ބުނީ އެކްސް ގައި ކުރި ޕޯސްޓެއްގައި އެވެ.
މިގޮތުން އެ ކައުންސިލުން ބުނީ، މާލޭ މަގުމަތީގައި ކުނި ބަހައްޓަމުންދާ ފަރާތްތައް ފާހަގަ ކުރެވެމުންދާ ކަމަށާއި، މި ގޮތަށް ރައްޔިތުންނަށް އުނދަގޫ ވާގޮތަށް ކުނި ބަހައްޓާ ފަރާތްތަކުގެ ފޮޓޯ އަދި ވިޑިއޯ ކައުންސިލަށް ފޮނުވައިދިނުމަށް އެދޭ ކަމަށެވެ.
މާލެ ސަރަހައްދު ސާފުތާހިރުކޮށް ބޭއްވުމަށް ކައުންސިލުން ކުރަމުންދާ މަސައްކަތުގައި އިއްޔެ އެކަނި ވެސް ޖުމުލަ 22.3 ޓަނުގެ ކުނި ވަނީ ނަގާފައިވާއިރު، ކުނި އަޅާ ބަޔަކު ދެނެގަނެވިފައިވާ ނަމަ އެމީހަކު ނުވަތަ އެ ބަޔަކު އެޅި ކުނި އެމީހުން ލައްވާ ނަގުވައި މަގު ސާފު ކުރުމުގެ މަސައްކަތް ފުލުހުންނާއި ގުޅިގެން ކައުންސިލުން ގުޅިގެން ކުރަމުން އަންނަ ކަން ފާހަގަކޮށްލެވެއެވެ.
މާލޭގެ މަގުމައްޗަށް ކުނި އަޅާ ނަމަ، 500ރ. އިން ޖޫރިމަނާ ކުރާއިރު، ކުނި އެޅުމުގެ ސަބަބުން މިދިޔަ ފެބްރުއަރީމަހުން ފެށިގެން މިހާތަނަށް އައިއިރު، 100 އަށްވުރެ ގިނަ މީހުން ވަނީ ޖޫރިމަނާކޮށްފައެވެ.
Advertisement
This content is created and paid for by advertisers and does not involve Voice Journalists
