އޮފީހުގައި އުޅޭއިރު މަސައްކަތަށް ސަމާލުކަން ދިނުމުގެ ގޮތުން ރޯދަމަހު ޕީޖީ އޮފީހުގެ ބައްދަލުވުންތަކަށް ފޯނު ވެއްދުން މަނާ ކޮއްފިއެވެ.
މަސައްކަތުގެ މާހައުލުގައި ޕޯނާއި ނުލައި އުޅެން ދަސްކުރުމުގެ ގޮތުން އޮފީހުގައި ބާއްވާ މީޓިންތަކަށް ފޯނު ވެއްދުން މަނާ ކުރި ކަމަށް ޕީޖީ ޝަމީމްގެ ބްލޮގެއްގައި އެނާ ލިޔުއްވާފިއެވެ. މި ކަމުގެ ސަބަބުން އޮފީސް ބައްދަލުވުން ތަކުގައި ދެކެވޭ ވާހަކަތަކާއި އޮފީހުގައި ކުރާ މަސައްކަތަށް ސަމާލުކަން ދީގެން ރަނގަޅަށް ކުރުމަށް މަގުފަހި ވެގެން ދާނެކަމަށާއި އަދި ފެންވަރު ރަނގަލު ހިދުމަތެއް އާމުންނަށް ފޯރުުކޮއްދިނުމަށް މަގުފަހިވާ ކަމެއްކަމަށް ވެސް އޭނާ ބުނެފައިވެއެވެ.
މޯބައިލް ފޯނު ގެންގުޅުން މަނާ ކުރީ އޮފީސް ލައިނުން ކޮންމެހެން ގުޅަން ޖެހޭ މީހަކަށް ގުޅުމަށް އެ ފުރުސަތު މުވައްޒަފުންނަށް ދިނުމާއި އެކު އިންޓަނެޓް އޮފީސް ކޮމްޕިއުޓަރު ނުވަތަ ލެޕްޓޮޕުން ބޭނުން ކުރެވޭނެ ގޮތް ހަދާފައި ކަމަށް ވެސް ޕީޖީ ޝަމީމް އެ ބްލޮގްހައި ލިޔުއްވާފައިވެއެވެ.
މިކަން ކާމިޔާބު ވެއްޖެ ނަމަ ރޯދަމަސް ނޫން މަސްތަކުގައި ވެސް ޕިޖީ އޮފީހުގެ މުވައްޒަފުން އަަމަލު ކުރާނީ އެ ގަވާއިދަށް ކަށެވެ. އަދި ފިރިހެން މުވައްފަުން އޮފީހަށް ހާޒިރުވާއިރު ޓައީ ނަޅާ އޮފީހަށް އަންނަ ގޮތް ވެސް ހަދާނެ ކަމަށް އޭނާ ބުނެފައިވެއެވެ.
މިދިޔަ އަހަރު ޕީޖީ އޮފީހުގެ މުވައްޒަފުން ހަފުތާ އަކު ހަތަރު ދުވަހު މަސައްކަތް ކުރާ ގޮތަށް ހަމަ ޖެއްސި ކަށާއި ނަމަވެސް މި ރޯދަ މަހު ހަމަ ޖައްސާފައި ވަނީ ރޯދަ މަހުގެ ފަހު 10ގައި މުވައްޒަފުން ގޭގައި ތިބެގެން މަސައްކަތް ކުރާ ގޮތަށްށެވެ.
Advertisement
This content is created and paid for by advertisers and does not involve Voice Journalists
