119 ކިލޯ މަސްތުވާތަކެތީގެ މައްސަލަާގައި, މުއާމަލާތް ކުރެވުނު ފޯނު ހުޅުވުމަށް ކޯޓު އަމުރު ނުލިބުމުގެ ސަބަބުން މުހިންމު މައުލޫމާތު ތަކެއް ނުލިބި ގޮސްފައިވާ ކަމަށް ފުލުހުން ބުނެފިއެވެ.
12 ޑިސެމްބަރު 2021 ރާއްޖެ އެތެރެ ކުރެވުނު 119 ކިލޯގެ ޑްރަގުގެ މައްސަލައިގައި ދައުލަތުން ޑައިމޯފިން ޓްރެފިކް ކުރުމުގެ ދައުވާ އުފުލާފައިވަނީ ގދ. ހޯނޑެއްދޫ ތިން މީހުން ކަމަށްވާ އަލީ ޒުބައިރާއި އަހުމަދު ސުނައިނާއި އަހުމަދު މުޖާހިދުގެ އިތުރުން މުހައްމަދު އަކްރަމް އަބްދުލް ހަންނާނުގެ މައްޗަށެވެ.
މި މައްސަލާގައި ފުލުހުން މިއަދު ބޭއްވި ނޫސްވެރިންގެ ބައްދަލުވުމުގައި ފުލުހުން ވަނީ، ވީޑިއޯ ރިޕޯޓް މެދުވެތިކޮށް އެ މައްސަލަގައި މަސްތުވާތަކެތި އުފުލި ގޮތާއި، އުޅަނދު ތަކާއި އެ އުފުލި މީހުންގެ ހަރަކާތްތައް، ސީސީޓީވީ ފޫޓޭޖް މެދުވެރިކޮށް ކިޔައިދީފައެވެ.
އެކަމާއި ގުޅޭ އިތުރު މައުލޫމާތު ދެއްވަމުން ޑްރަގް ޓްރެފިކިން ޑިޕާޓްމަންޓްގެ ހެޑް ޗީފް އިންސްޕެކްޓަރ އަހުމަދު ވަހީދު ވިދާޅުވީ، ޑްރަގު އުފުލުމަށް ޓެކްސީ އަކާއި، ސައިކަލެއްގެ އިތުރުން ކާރެއްވެސް ބޭނުން ކޮށްފައިވާއިރު، އެ މައްސަލާގައި ތުހުމަތު ކުރެވޭ އަކުރަމް، އެ ހާދިސާ ހިނގި ދުވަހު ފުރައިގެން ދިޔަ ގޮތަށް އަދިވެސް ރާއްޖެ ނާންނަ ކަމަށެވެ.
އަކުރަމް ފުރައިގެން މި ދިޔަ ފުލައިޓުގައި، މި މައްސަލާގައި ތުހުމަތު ކުރެވޭ ޒުބައިރު އާއި ސުނޭނުގެ މައްޗަށް ތުހުމަތު ކުރެވި ދައުވާ އުފުލުނު، 9 ކިލޯގެ މަސްތުވާތަކެތީގެ މައްސަލާގައި އިސްކޮށް ހަރަކާތްތެރިވި، އެ ޑްރަގު ޓެރެފިކިން ނެޓްވޯކްގެ އިސްކޮށް ހަރަކާތްތެރިވި ކަމަށް ބެލެވޭ އަރުޝަދު ޚާލިދުވެސް ހަމަ އެ ފުލައިޓުން ފުރައިގެން ގޮސްފައިވޭ. އަރުޝަދު ޚާލިދު ވަނީ ރެޑް ނޯޓިސް ނެރެގެން ރާއްޖެ ގެނެވިފައި. އަކްރަމް އަދި މިހާތަނަށްވެސް ރާއްޖެ އައިސްފައެއް ނުވޭ.
ޗީފް އިންސްޕެކްޓަރ އަހުމަދު ވަހީދު
މިއާއެކު އޭނާ ވިދާޅުވީ، މި މައްސަލާގައި ތުހުމަތުކުރެވޭ މީހުންގެ އަތުން އަތުލެވުނު ފޯނުގެ ލޮކް ކޯޑާއި ޕާސް ވޯޑް ހޯދުމަށް ކްރިމިނަލް ކޯޓުގައި އެދުމުން، އެ އަމުރު އެ ކޯޓުން ނުދިނުމުން ފޯނުން އެއްވެސް މައުލޫމާތެއް ނުލިބޭ ކަމަށެވެ.
މި މައްސަލާގައި ތުހުމަތު ކުރެވޭ ފަރާތްތަކުގެ އަތުން ހިފެހެއްޓުނު މޯބައިލް ފޯނުތަކުގެ ލޮކް ކޯޑާއި ޕާސްވޯޑް ކްރިމިނަލް ކޯޓުގައި ފުލުހުން އަމުރަކަށް އެދުނު. އަދި ހަމަ އެއާއެކު އެ އަމުރު ނެރެދިނުމުގައި އަޑު އެހުމެއް ބޭއްވުމަށްވެސް އެދުނު. އެހެން ނަމަވެސް އެ ފުރުސަތު ނުލިބި، އެ އަމުރު ކްރިމިނަލް ކޯޓުން ނެރެދީފައެއް ނުވޭ. ހައިކޯޓުން ކްރިމިނަލް ކޯޓުގެ އެ ނިންމުން ބާތިލް ކުރި. އެހެން ނަމަވެސް ހައިކޯޓުންވެސް އެ އަމުރު ނެރެދީފައެއް ނުވޭ. އެއީ ކްރިމިނަލް ކޯޓުން ހެކިވަޒަންކޮށް އެކަމާއިމެދު ގޮތް ނިންމާފައި ނެތުމުން ކަމަށް ހައިކޯޓުން ބުނެފައިވޭ.
ޗީފް އިންސްޕެކްޓަރ އަހުމަދު ވަހީދު
ޗީފް އިންސްޕެކްޓަރ އަހުމަދު ވަހީދުގެ ވާހަކައާއި ގުޅިގެން ޗީފް ސްޕްރިޓެންޑް އަހުމަދު ޝާކިރު ވެސް ވަނީ މޮބައިލް ފޯނަކީ ތަހުގީގުގައި ވަރަށް މުހިންމު އާލާތެއް ކަން ފާހަގަކުރައްވައި، ނުލިބުމުން މުހިންމު މައުލޫމާތު ތަކެއް ނުލިބި ގޮސްފައުވާ ކަމަށް ވުދާޅުވެފައެވެ.
އެހެންނަމަވެސް ހައިކޯޓުންވެސް ފޯނު ހުޅުވުމުގެ އަމުރު ނެރެދީފައި ނުވާތީ އަޅުގަނޑުމެންނަށް ތަހުގީގުން ފޯނާއި ގުޅުންހުރި މައުލޫމާތު ލިބިފައެއް ނުވޭ. މުހިންމު މައުލޫމާތު ތަކެއް
ޗީފް ސްޕްރިޓެންޑް އަހުމަދު ޝާކިރު
119 ކިލޯގެ މަސްތުވާތަކެތީގެ މިމައްސަލައިގައި، ޒުބައިރުގެ މައްޗަށް ކުށް ސާބިތުވާކަމަށް ކަނޑައަޅާ، 25 އަހަރަށް ޖަލަށް ލުމާއެކު 1 ލައްކަ ރުފިޔާއިން ޖޫރިމަނާކޮށްފައެވެ. ނަމަވެސް ބަންދުގައި ޖަލުގައި ހޭދަކުރި މުއްދަތު އުނިކުރުމަށްފަހު ޒުބައިރު ޖަލުގައި ހޭދަކުރަން ޖެހެނީ 22 އަހަރާއި 8 މަސްދުވަހެވެ.
އަދި ޖޫރިމަނާ ފައިސާގެ އަދަދު ކުރިއަށް އޮތް 1 އަހަރު ދުވަހުގެ ތެރޭގައި މީރާއަށް ދައްކާ ހަލާސް ކުރުމަށް ވަނީ އަންގާފައެވެ.
މި މައްސަލާގައި ދައުވާ ސާބިތުނުވީ ގދ. ހޯނޑެއްދޫ އިރުމަތީގެ އަހުމަދު ސުނައިނު އަދި އެ ރަށު އަލޯރާ އަހުމަދު މުޖާހިދުގެ މައްޗަށެވެ. އެމީހުންގެ މައްޗަށް ކުށް ސާބިތު ނުވި ނަމަވެސް ސާބިތުވާ ވަރަށް ހެކި ފުލުހުން ހޯދާފައިވާނެ ކަމަށް ބުނެފައިވެއެވެ.
Advertisement
This content is created and paid for by advertisers and does not involve Voice Journalists
