ގާނޫނީ ހަމަތަކުގެ މަތީން ހިންގާ ސިޔާސީ އެއްވެސް ހަރަކާތަކަށް މި ސަރުކާރުން ހުރަސް ނާޅާނެކަމާ، އަދި ސިޔާސީ ޙަރަކާތްތަކަށް ފަހިކޮށްދެވެން އޮތް ހުރިހާ ފުރުސަތެއް މި ސަރުކާރުން ފަހިކޮށްދޭނެކަމުގެ ފުރިހަމަ ޔަގީންކަން ސަރުކާރުން ދީފި އެވެ.
ރައީސް އޮފީހުން ނެރުނު ބަޔާނެއްގައި އެގޮތަށް ބުނީ ރައީސް ޔާމީން އިސްވެ ހުންނަވައި އަލަށް އުފައްދަން މަސައްކަތްކުރާ ސިޔާސީ ޕާޓީ ޕީއެންއެފްއިން ރޭ ބާއްވަން ރާވާފައިވާ ޖަލްސާ ރާއްޖޭގެ ޕްރައިވެޓް ސްކޫލެއްގައި ބާއްވައިދޭން އެ ސްކޫލުން ޢުޒުރުވެރިވެފައި ވާތީ، އެ ސްކޫލުގެ ސަލާމަތާ ރައްކައުތެރިކަން ބަލަހައްޓައިދިނުމުގައި ފުލުހުން ހަރަކާތްތެރިވުމުން އުފެދިފައިވާ ނުތަނަވަސްކަމުގެ ތެރޭގައެވެ.
ޕީއެންއެފް ޖަލްސާ ބޭއްވުމަށް ޤިޔާސުއްދީން ސްކޫލުން އެ ޕާޓީއަށް ދީފައިވާ ހުއްދަވަނީ ލޮޖިސްޓިކް މައްސަލަތަކާ ހުރެ ހުއްދަ ބާތިލް ކުރި ކަން އަންގައި ޕީއެންއެފަށް ސިޓީ ފޮނުވާފައިކަމަށް އެ ސްކޫލުން ވަނީ ހާމަކޮށްފައެވެ. ނަމަވެސް އެ ޕާޓީން ވަނީ ޖަލްސާ ބާއްވަން މަސައްކަތްކޮށްފައެވެ. އަދި އެކަން ހުއްޓުވަން އެސްއޯ ފުލުހުން ވެސް ހަރަކާތްތެރިވެފައިވެއެވެ.
"މާލެ ސިޓީގެ އެއްވެސް ސްކޫލް ހޯލެއް ލިބުމުގައި އޮތް ދަތިކަމަށް ޙައްލެއް ހޯދައިދީ، ސިޔާސީ ޕާޓީ އުފައްދަން މަސައްކަތްކުރާ ފަރާތަށް މިރެއިން މިރެއަށް އެ ފަރާތުގެ މަސައްކަތްތައް ކުރިއަށް ގެންދިއުމުގެ މަގު ސަރުކާރުން ފަހިކޮށްދިނުމުގެ ގޮތުން، ސޯޝަލް ސެންޓަރުގެ މައި ހޯލުގައި ސިޔާސީ ޕާޓީ އުފެއްދުމުގެ ޖަލްސާ ބޭއްވޭނެ އިންތިޒާމު އެކަން ކުރައްވާ ފަރާތަށް ސަރުކާރުގެ އަމިއްލަ އިސްނެންގެވުމުގައި ވަގުތުން ވާނީ ހަމަޖައްސައިދީފަ"
ރައީސް އޮފީސް ބަޔާނުގައިވެއެވެ.
އެއާއެކު ސަރުކާރުން ބުނީ ޤާނޫނީ ހަމަތަކުގެ މަތީން ހިންގާ ސިޔާސީ ކޮންމެ ޙަރަކާތަކަށް ވެސް ފަހިކޮށްދެވެން އޮތް ކޮންމެ ކަމެއް ކުރިމަގުގައި ވެސް ހެޔޮ ނިޔަތާއެކު މި ސަރުކާރުން ދާނީ ފަހިކޮށްދެމުން ކަމަށެވެ.
ޕީއެންއެފް އުފެއްދުމަށް ބޭއްވި ޖަލްސާ
ޕީއެންއެފް އުފެއްދުމަށް ބޭއްވި ޖަލްސާ ރޭ ފަހުން ބާއްވާފައިވަނީ ހެންވޭރު ރާޅުގަނޑު ސަރަހައްދުގައެވެ. އިލެކްޝަން ކޮމިޝަނުން ވެސް އެ ޖަލްސާގައި ބައިވެރިވެ ރޭވަނީ އެޕާޓީން ވަނީ ޕާޓީގެ ލޯގޯ، ނަމާއި، ސެނެޓް އެކުލަވާލާފައެވެ.
Advertisement
This content is created and paid for by advertisers and does not involve Voice Journalists
