މޫސުން ގޯސްވެ، މޫސުމާއި ބެހޭ އިދާރާ (މެޓް އޮފީސް) އިން ހއ އިން ފެށިގެން ބ އަތޮޅާއި ދެމެދުގެ ރަށްތަކަށް ރީނދޫ ސަމާލު ނެރެފިއެވެ.

މޫސުމާއި ބެހޭ އިދާރާއިން މި ސަރައްހަދަށް ރީނދޫސަމާލު ނެރެފައިވަނީ މިއަދު މެންދުރު 13:30 އިން މިއަދު ހަވީރު 17:30 އާއި ހަމައަށެވެ. އެ އިދާރާއިން ބުނީ މި ވަގުތުގެ ތެރޭގައިމި ސަރަހައްދަށް ބޯކޮށް ވާރޭވެހި ގުގުރާނެ ކަމަށް ލަފާ ކުރާކަމަށެވެ.

މީގެ އިތުރުންވެސް އެ އިދާރާއިން ވަނީ ހއ އަތޮޅުން ފެށިގެން ވ އަތޮޅާއި ދެމެދުގެ ރަށްތަކަށް ހުދު ސަމާލުވެސް ނެރެފައެވެ.

އެގޮތުން، މި ސަރަޙައްދަށް މިއަދު ހެނދުނު 10 އިން ފެށިގެން މިއަދު ހަވީރު 16:00 އަށް ބޯކޮށް ވާރޭ ވެހި، ގުރުރާނެ ކަމަށް މޫސުމާއި ބެހޭ އިދާރާއިން ލަފާކުރެއެވެ.