ރާއްޖޭގެ އެކި ހިސާބުތަކަށް ކުރަމުންދާ ވިއްސާރައިގައި، މާލެ އަށް ބޯކޮށް ވާރޭވެހުމުގެ ސަބަބުން ފެންބޮޑުވެ ގެއްލުންވި 5 ގެއެއްގެ 34 މީހުންނަށް ވަގުތީ ބޯހިޔާވަހިކަން ފޯރުކޮށްދީފައިވާކަމަށް ނޭޝަނަލް ޑިޒާސްޓަރ މެނޭޖްމަންޓް އޮތޯރިޓީ (އެންޑީއެމްއޭ) އިން ބުނެފިއެވެ.

އެންޑީއެމްއޭ އިން އެކްސް ގައި ކުރި ޕޯސްޓެއްގައި ބުނީ، ރެޕިޑް އެސެސްމަންޓްއިން އުޅެން ދަތިވާވަރަށް 9 ގެއެއް ފާހަގަކުރެވުނު ކަމަށާއި، އޭގެ ތެރެއިން 5 ގެއެއްގެ 34 ފަރާތެއް ބަދަލުކުރުމަށް ބަދަލުކުރުމަށް ނިންމާފައިވާ ކަމަށެވެ.

މި 5 ތަނުގައި ދިރިއުޅެން ދަތިވާ ވަރަށް ފެން ބޮޑުވުމުގެ ސަބަބުން ފާޚާނާ ކުރުމަށް ބުރޫ އަރާ ނަޖިސް ލީކް ވެފައިވާކަން ވެސް އެންޑީއެމްއޭ އިން ފާހަގަކުރިއެވެ.

Advertisement

އެ އިދާރާއިން ބުނީ، މި ގެތަކަށް ވަގުތީ ބޯހިޔާވަހިކަމާއެކު ކެއިންބުއިންވެސް ހަމަޖައްސައިދެވޭނެ ކަމަށާއި، މާދަމާއަކީ ސްކޫލްތަކުގެ އިމްތިހާން ފެށޭ ދުވަސްކަމުން، ސްކޫލް ދަރިވަރުންނަށްވެސް ކަންކަން ފަސޭހަވާނެ ގޮތަށް އިންތިޒާމްތައް ހަމަޖައްސަމުންދާ ކަމަށެވެ. އެގޮތުން އެންޑީއެމްއޭ އިން ބުނީ މިހާތަނަށް 73 ތަނެއްގައި 495 ވެލިބަސްތާ ވެސް ޖަހާފައިވާކަމަށެވެ.

މާލެއަށް ބޯކޮށް ވާރޭ ވެހި، މަގުތަކުގައި ފެންބޮޑުވުމުގެ ސަބަބުން ވަނީ 7 ސަރަހައްދެއްގައި 15 ޕަމްޕު ބޭނުންކޮށްގެން ފެން ހިންދުމުގެ މަސައްކަތް އެމްއެންޑީއެފުން ކުރިއަށް ގެންގޮސްފައިވާއިރު، މާލޭގެ މަގުތަކުގައި ފެންބޮޑުވުމާ ގުޅިގެން ގޭގެއަށާއި ފިހާރަތަކަށް ފެންވަދެ ލިބޭ ގެއްލުން ކުޑަ ކުރުމަށް ވެލިބަސްތާ ޖެހުންފަދަ މަސައްކަތްތަކުގައި ފުލުހުން ވަނީ ހަރަކާތްތެރިވެފައެވެ.