އއ.ތޮއްޑޫ އާއި އއ. ރަސްދޫގެ އިހުތިސާސުގައި ރައީސުލްޖުމްހޫރިއްޔާ ޑރ.މުޙައްމަދު މުޢިއްޒުގެ ގަރާރަކުން ފަޅެއް ހިމަނައިފިއެވެ.
ރައީސް ޑރ.މުޢިއްޒު ސޮއިކުރައްވާ ނެރުއްވި މި ގަރާރު ރައީސް އޮފީހުން ގެޒެޓް ކޮށްފައިވާއިރު، ރައީސުލްޖުމްހޫރިއްޔާ އަށް ލިބިވަޑައިގަންނަވާ ބާރުގެ ދަށުން ތޮއްޑު އާއި ރަސްދޫގެ އިހުތިސާސްގައި 200 ހެކްޓަރުގެ ފަޅެއް ހިމަނަން ކަނޑައަޅާފައިވާ ކަމަށް އެ ގަރާރުގައި ވެއެވެ.
މި ގަރާރުގައި ރައީސް ޑރ.މުޢިއްޒު ވަނީ ރަސްދޫގެ އުތުރުން އޮންނަ މި ބޮޑު ފަޅުން ތޮއްޑޫ އާއި ރަސްދޫ އަށް 200 ހެކްޓަރުގެ ސަރަހައްދެއް ދިނުމަށް ކަނޑައަޅާފައެވެ.
ދާދި ފަހުން ރައީސް ޑރ.މުޢިއްޒު ވަނީ ހއ.ވަގާރަކީ އެއަތޮޅު ތުރާކުނުގެ ބައެއް ކަމަށް ކަނޑައަޅައި، ގަލަގިލި ފަޅަކީ އއ.އުކުޅަހު ގެ ބައެއް ކަމުގައި ވެސް ކަނޑައަޅުއްވާފައެވެ.
ހަމައެއާއިއެކު، ރައީސް ޑރ.މުޢިއްޒު ވަނީ އަރިއަތޮޅު ދެކުނުބުރީ މާފަރުފަޅަކީ އެއަތޮޅު މަހިބަދޫގެ ބައެއްގެ ގޮތުގައި ހަމަޖެއްސުމުގެ އިތުރުން، އއ. ވެލިދުއްގާއަކީ އެ އަތޮޅު ބޮޑުފޮޅުދޫގެ ބައެއްގެ ގޮތުގައާއި، ނ. ފަރުމުއްޔާއި ކަނޑިންމާހުރާ އަކީ މާފަރުގެ ބައެއްގެ ގޮތުގައިވެސް ހަމަޖައްސަވާފައެވެ.
Advertisement
This content is created and paid for by advertisers and does not involve Voice Journalists
