އެންޓި-ކޮރަޕްޝަން ކޮމިޝަނުގެ ސަރވިސް ޗާރޓަރ އިފްތިތާހުކޮށްފިއެވެ.
އެންޓި- ކޮރަޕްޝަން ކޮމިޝަނުން (އޭސީސީ) އިން މިއަދު ބުނީ އެ ކޮމިޝަނުން ފޯރުކޮށްދޭ ޚިދުމަތްތަކަކީ ޚިދުމަތް ލިބިގަންނަ ފަރާތްތަކުން ބޭނުންވާ ފެންވަރުގައި ފޯރުކޮށްދެވޭ، ހިތްހަމަޖެހޭ ޚިދުމަތްތަކެއް ދެވޭ މުއައްސަސާއަކަށް ހެދުމުގެ މަޤުޞަދުގައި އެންޓި-ކޮރަޕްޝަންގެ ކޮމިޝަނުގެ ސަރވިސް ޗާޓަރ މިއަދު އިފްތިތާޙް ކޮށްފައިވާ ކަމަށެވެ.
އަދި ކޮމިޝަނުން ދޭ ޚިދުމަތްތައް، އެ ޚިދުމަތްތައް ހޯދޭނެ ގޮތްތަކާއި، ޚިދުމަތް ފޯރުކޮށްދިނުމަށް ކަނޑައެޅިފައިވާ ވަގުތުތައް އެއްތާކުން ފެންނާނެ ގޮތަށް އެކުލަވާލެވިފައިވާ ސަރވިސް ޗާޓަރ ކޮމިޝަނުގެ ވެބްސައިޓުގައި މިހާރު އާންމުކޮށްފައިވާ ކަމަށްވެސް އޭސީސީއިން ވަނީ ބުނެފައެވެ.
އޭންޓި ކޮރަޕްޝަން ކޮމިޝަނަކީ ކޮރަޕްޝަނާ ބެހޭ ގޮތުން ތަޙުޤީގުކޮށް، ތަޢުލީމު ދިނުމާއި ދިރާސާތައް ހިންގުމުގެ މެންޑޭޓް ލިބިފައިވާ މިނިވަން ދަޢުލަތުގެ މުއައްސަސާއެކެވެ. ކޮންމެ އަހަރަކުވެސް އެ ކޮމިޝަނުން ގިނަ މަސައްކަތްތަކެއް ކުރަމުން އަންނައިރު އޭސީސީގެ މިދިޔަ އަހަރުގެ އަހަރީ ރިޕޯޓުން ދައްކާ ގޮތުން އެ ކޮމިޝަނުން ވަނީ މިދިޔަ އަހަރުވެސް ތަހުޤީޤު މަރުހަލާއިން 220 މައްސަލަ ނިންމާފައެވެ.
Advertisement
This content is created and paid for by advertisers and does not involve Voice Journalists
