“އެމްވީ ކޯލް ގާލްސް" ގެ ނަމުގައި ހިންގަމުން ދިޔަ ޓެލެގްރާމް ޗެނަލެއް ފުލުހުން އަތުލައިގެންފިއެވެ.

ފުލުހުން ބުނީ ބޮޑެތި ކުށްތަކަށް އަރައިގަތުމަށް ހިތްވަރު ލިބޭގޮތަށް "އެމްވީ ކޯލް ގާލް" ގެ ނަމުގައި ހިންގަމުން ގެންދިޔަ ޓެލެގްރާމް ޗެނަލްއެއް އަތުލައިގެންފައިވާ ކަމަށެވެ.

އަދި މި މައްސަލަ ފުލުހުން ގެންދަނީ ތަހުގީގުކުރަމުން ކަމަށްވެސް ބުނެފައިވެއެވެ.

ހަށިވިއްކުމާއި އަދި އެ ނޫންވެސް ބޮޑެތި ކުށްތަކަށް އަރައިގަތުމަށް ހިންގާ މިފަދަ އިތުރު ޓެލެގްރާމް ޗެނަލްތަކެއް ވެސް މީގެ ކުރިން ފުލުހުން ވަނީ ބަންދުކޮށްފައެވެ.

އެގޮތުން ސީޒް ކޮށްފައިވަނީ ޖަޒީރާ އެޑްމިން، ޖަޒީރާ ގާރލްސް އަދި ޖަޒީރާ އެސްކޯޓު ގެލެރީ، ޖަޒީރާ ސްކޭމް އެލާޓް އަދި ޖަޒީރާ ލިންކް ޚަބަރުގެ ނަމުގައި 2023 ވަނަ އަހަރުގެ އޭޕްރީލް މަހުން ފެށިގެން ހިންގަމުންދިޔަ ޓެލެގްރާމް ޗެނަލްތަކެކެވެ.

އެ ޗެނަލްތައް ބަންދުކޮށް މައްސަލަ ތަހުގީގުކޮށް މި ޗެނަލްތައް ހިންގާ ކަމަށް ތުހުމަތުކުރެވޭ މީހުންވެސް ހައްޔަރުކޮށް ބަންދުގެ މުއްދަތު ޖަހާފައިވެއެވެ.

އެގޮތުން އެންމެ ކުރިން ހައްޔަރުކޮށްފައިވަނީ 28 އަހަރުގެ ދިވެހި ފިރިހެނަކާއި 39 އަހަރުގެ ދިވެހި އަންހެކެވެ. މި ދެ މީހުން ހައްޔަރުކޮށްފައިވަނީ ހަތަރު ތަނެއް ބަލައި ފާސްކޮށް، މި މައްސަލައާއި ގުޅުންހުރި ބައެއް ތަކެތި ފުލުހުން ބެލުމުގެ ދަށަށް ގެންދިޔުމަށްފަހުއި ކަމަށް އެކަމާއި ގުޅިގެން ބޭއްވި ނޫސްވެރިންގެ ބައްދަލުވުމުގައި ފުލުހުން ޗަނީ ބުނެފައެވެ. 

އެފަހުން 60 އަހަރުގެ ފިރިހެނެއް ވެސް ހައްޔަރުކޮށްފައިވާއިރު އެ ފިރިހެން މީހާ އަކީ ހަށި ވިއްކުމުގެ ވިޔަފާރި ކުރުމަށް މީހުން އުފުލަމުންދިޔަ ޓެކްސީ ޑްރައިވަރެވެ.