ނިއުޒިލޭންޑްގައި 350 މީހުން އިސްލާމް ދީން ގަބޫލުކޮށްފި
ނިއުޒިލޭންޑްގައި 350 މީހުން އިސްލާމް ދީން ގަބޫލުކޮށްފިއެވެ.
މިމަހުގެ ފަނަރަ ވަނަ ދުވަހުވަނީ ނިއުޒިލޭންޑްގެ ކްރިސްޓްިޗާޗް ގެ މިސްކިތަަކަށް ބަޑިން ހަމަލާދީ 50 މީހުން މަރާލާފައެވެ.
ހުކުރު ދުވަހުގެ ހުކުރު ނަމާދުގައި ތިބި ވަގުތު ދިން އެހަމާލާގެ ސަބަބުން އެތައް މުސްލިމުންނެއް މިދުނިޔެ ދޫކޮށްފައިވާއިރު، ނިއުޒިލޭންޑްގެ ރައްޔިތުން ބުނަމުން އަންނަނީ މަރުވެގެން ދިޔަ މުސްލިމުންނަކީ އެމީހުންގެ ބައެއްކަމަށެވެ. ގިނަ އަދަދެއްެގެ މުސްލިމު ރައްޔިތުންގެ މަރާއިއެކު އިސްލާމްދީން އުނގެނުމުގެ ޝައުގުވެރިކަން އެމީހުން ހިތްތަކުގައި އާލާވެ 350 މީހުން ވަނީ އިސްލާމް ދީން ގަބޫލުކޮށްފައެވެ.
އަދި އޭގެ ތެރެއިން ގިނަ ބަޔަކު އަންނަނީ މުސްލިމުން ނަމާދު ކުރާ ގަޑީގައި މިސްކިތްތަކުގެ ކައިރިއަށް ގޮސް ނަމާދު ކުރާގޮތް ބަލާފައެވެ. އަދި ގިނަ އަދަދެއްގެ މީހުން މަރުވި މީހުންގެ ޖަނާޒަގައި ވެސް ބައިވެރިވެ މަރުވި މީހުންގެ އާއިލާތަކާއިއެކު ހިތާމަ ފާޅުކޮށްފައިވެއެވެ.
350 މީހުން އިސްލާމްދީނަށް ވަދެއްޖެކަމަށް ދެކެވޭ ވާހަކަތަކަކީ ހަގީގަތެއް ނޫންކަމަށް ބައެއް ނޫސްތަކުން ޚަބަރު ފެތުރި ނަމަވެސް ބައިނަލްއަގްވާމީ ބޮޑެތި ނޫސްތަކުން އެ ޚަަބަރު ކަވަރ ކޮށްފައިވެއެވެ. އަދި އެފަރާތްތަކުން ވަނީ ނިއުޒިލޭންޑްގެ މުސްލިމް ކޮމިއުނިޓީތަކަށް ގުޅާ އެޚަބަރު ޔަގީންކޮށްފައެވެ.
އަދި އެފަރާތްކުން ބުނާގޮތުގައި މިހާރު ދުނިޔޭގައި އެންމެ ހަލުވިކަމާއި އެކު ފުޅާ ވަމުން އަންނަނީ އިސްލާމްދީން ކަމަށެވެ.
Advertisement
This content is created and paid for by advertisers and does not involve Voice Journalists