ނަގޫ ރޯޅިއެއް އަރައި ހއ. ދިއްދޫ ބައެއް ފުލެޓް ތަކުގެ ފުރާޅު އެއްލާލައި ބޮޑެތި ގެއްލުންތަކެއް ވެއްޖެއެވެ.
ރޭގެ ވިއްސާރައިގެ ތެރެއިން ފަތިހުގެ ވަގުތެއްގައި ދިއްދޫއަށް ނަގޫ ރޯޅިއެއް އަރާފައިވާއިރު، އެ ނަގޫ ރޯޅީގައި ދިއްދޫގައި 2017 ވަނަ އަހަރު ތެރޭގައި އަޅާފައި ހުރި ބައެއް ފުލެޓް ތަކުގެ ފުރާޅުތައް އެއްލާލައި ގިނަ ފަރާތްތަކަށް ގެއްލުން ވެފައިވާ ކަމަށއ އެ ރަށު ކައުންސިލުން ވަނީ މައުލޫމާތު ދީފައެވެ.
އެގޮތުން ލިބުނު ގެއްލުން ތަކާއި ގުޅޭ ތަފްސީލް، ހިއްސާކުރަމުން ދިއްދޫ ކައުންސިލުން އާއްމުކުރި ވީޑިއޯއެއްގައި އެ ކައުންސިލްގެ ރައީސް އަބްދުالله ރަޝީދު ވިދާޅުވީ، ނަގޫ ރޯޅިގެ ސަބަބުން ގެއްލުން ލިބުނު ފުލެޓް ތަކުގައި ދިރިއުޅެމުންދާ މީހުންނާއި ފުލެޓް ތަކަށް އެހީވުމުގެ މަސައްކަތް ކައުންސިލުން ކުރަމުންދާ ކަމަށެވެ.
ނަގޫރޯޅިއެއް އަރާ ދިއްދޫގައި ހުރި ރޯހައުސްތަކަށް ބޮޑެތި ގެއްލުންތަކެއް ލިބިފައި؛ ކައުންސިލުން ބުނީ އަވަސް ހައްލެއް ގެނައުމަށް މަސައްކަތް ކުރާކަމަށް -- ފޮޓޯ: ދިއްދޫ ކައުންސިލް
އެހެން ނަމަވެސް ފުދޭ ވަރަކަށް ގިނަ ފުލެޓް ތަކަށް ގެއްލުން ލިބިފައި ހުރި ކަމަށް މިހާރު އަޅުގަނޑުމެންނަށް މައުލޫމާތު ލިބެމުން މިހާރު ދަނީ. އެހެންކަމުން، އެ ގެ ތަކުގައި ދިރިއުޅޭ ރައްޔިތުން، އަދި ދިރިނޫޅޭ ރައްޔިތުންވެސް އަޅުގަނޑުމެންނަށް މައުލޫމާތުދީ އެހީތެރިކަން ބޭނުންވޭ އެބަ. އަޅުގަނޑުމެންގެ އެހީތެރިކަން ހުރިހާ ފަރާތްތަކަށްވެސް ލިބިގެންދާނެ އިނގޭތޯ
ދިއްދޫ ކައުންސިލްގެ ރައީސް އަބްދުالله ރަޝީދު
މީގެ އިތުރުން ރަޝީދު ވިދާޅުވީ، ރޭ ލިބުނު ގެއްލުންތަކާއި ގުޅޭ މައުލޫމާތު ނެޝަނަލް ޑިޒާސްޓާރ މެނޭޖްމަންޓާއި ހިއްސާ ކުރެވުފައިވާ ކަމަށާ، އެ ގެއްލުންތަކުގެ ބަދަލު ހޯދައި ގެއްލުން ލިބުނު ފަރާތްތަކަށް ހަވާލުކުރުމަށް އެ އިދާރާ އާއެކު މަސައްކަތް ކުރަމުންދާ ކަމަށެވެ.
އަދި ހަމަ އެހެންމެ، މިހާރުވެސް ފުރާޅު އެއްލާލި ބައެެއް ގެތަކުގެ ފުރާޅު މަރާމާތުކޮށް ދެންވެސް އެހެނިހެން އެހީތެރިކަން ފޯރުކޮށްދެމުންދާ ކަމަށް ކައުންސިލްގެ ރައީސް ވިދާޅުވިއެވެ.
Advertisement
This content is created and paid for by advertisers and does not involve Voice Journalists
