އިސްރާއީލުގެ އަނިޔާވެރި ބޮޑުވަޒީރު ބެންޖަމިން ނަތަންޔާހޫ އާއި އެ ގައުމުގެ ޑިފެންސް މިނިސްޓަރު ޔޯވް ގަލަންޓް ހައްޔަރުކުރުމުގެ އަމުރަކަށް އިންޓަނޭޝަނަލް ކްރިމިނަލް ކޯޓް (އައިސީސީ) ގައި އެދެފިއެވެ.

އިންޓަނޭޝަނަލް ކްރިމިނަލް ކޯޓުގެ ޗީފް ޕްރޮސެކިއުޓާ ކަރީމް ހާން ވިދާޅުވީ ފަލަސްތީނާއި ގުޅޭގޮތުން އައިއޭސީ އަށް ހުށައެޅިފައިވާ މައްސަލައިގެ ފުރަތަމަ ޕްރި ޓްރައިއަލް ޗެމްބާ ފެށުމުގެ ކުރިން އެމީހުން ހައްޔަރު ކުރުމުގެ އަމުރަކަށް އެދި އައިސީސީގެ ފަނޑިޔާރުންގެ ޕެނަލް އަށް ހުށަހަޅާފައިވާނެ ކަމަށެވެ.

އެގޮތުން ހާން ވިދާޅުވީ، އޭނާގެ އޮފީހުން އެއްކުރުމަށްފަހު ބެލި ހެކިތަކުގެ މައްޗަށް ބިނާކޮށް ފަލަސްތީނުގައި މިހާރު ހިންގަމުންދާ ގަތުލު އާއްމަށް ނަތަންޔާހޫ އާއި ޔޯވް ގަލަންޓް ޒިންމާވާން ޖެހޭ ކަމަށް ނިންމޭނެ ސަބަބުތައް ހުރި ކަމަށެވެ.

Advertisement

އެގޮތުން ހާން ވަނީ ނަތަންޔާހޫ އާއި ޔޯވް ގަލަންޓް ގެ މައްޗަށް 7 ދައުވާއެއް އުފުލާފައެވެ. އެއީ:

1) ހަނގުރާމައިގެ ތެރޭގައި ޣައްޒާގެ އާއްމުން ބަނޑުހައިހޫނުކަމުގައި ތިބުމަށް މަޖުބޫރު ކުރުން

2) ގަސްތުގައި މީހުންގެ ހަށިގަނޑަށް ބޮޑު ތަކުލީފެއް، ނުވަތަ ސިއްހަތަށް ގެއްލުންވާނެ ފަދަ ބޮޑެތި އަނިޔާތަކެއް ދިނުން

3) ގަސްތުގައި މީހުން މެރުން

4) ގަސްތުގައި އާއްމުންގެ އާބާދީތަކަށް އަމާޒުކޮށް ހަމަލާދިނުން

5) އެކި ގޮތްގޮތުން (ބަނޑުހައިހޫނުކަން، ހަމަލާ ދިނުން) މީހުންގެ ފުރާނަ ނައްތާލުން/ މީހުން މެރުން 

6) ފިތުނަ އުފެއްދުން

7) އެނޫން ވެސް އިންސާނިއްޔަތާއި ދެކޮޅަށް ހިންގާފައިވާ ޖަރީމާތައް

ހާން ވިދާޅުވީ، އެމީހުންނަށް ކޮށްފައިވާ ދައުވާ ތަކުގެ ތެރޭގައި، ޣައްޒާ އަށް އެހީ ވެއްދުމަށް ހުރަސް އެޅުން ވެސް ހިމެނޭ ކަމަށެވެ.

ނަތަންޔާހޫ އާއި  ޔޯވް ގަލަންޓްގެ އިތުރުން ހަމާސް ޖަމާއަތުގެ ތިން ލީޑަރުން ހައްޔަރު ކުރުމުގެ އަމުރަކަށް ވެސް ހާން ވަނީ އައިސީސީ ގައި އެދިފައެވެ.