މާލޭ ގެއެއްގެ ތެރެއިން މަރުވެފައި އޮއްވާ ފެނުނީ ގެއްލިގެން ހޯދަމުންދިޔަ މއ. ބޯޅަކިންކިރިމާގެ، އަޙްމަދު އައިމަން (30އ) ކަމަށް ފުލުހުން ބުނެފިއެވެ.

އައިމަން އާއިލާއަށް ހަބަރެއްނުވާތާ 3 ދުވަސްވެފައިވާއިރު، އާއިލާއަށް ޚަބަރެއްނުވެ ގެއްލިފައިވާ ކަމަށް ރިޕޯޓުކޮށްފައިވާތީ އޭނާ ހޯދުމުގެ މަސައްކަތް ފުލުހުން ފެށީ މިއަދުއެވެ.

ހަމައެއާއިއެކު، މާފަންނުގެ ގެއެއްގައި ފިރިހެނަކު ނިޔާވެފައި އޮތް ކަމުގެ ރިޕޯޓް ލިބުމާއި ގުޅިގެން މިއަދު 14:20 އެހާކަންހާއިރު ފުލުހުން ވަނީ އެ ސަރަހައްދުގައި ހަރަކާތްތެރިވެފައެވެ.

Advertisement

ފުލުހުން ބުނީ، ނިޔާވެފައި އޮއްވާ މ.ރަބީއުވިލާއިން ފެނިފައިވަނީ ގެއްލިގެން ހޯދަމުންދިޔަ އައިމަންކަން ޔަގީން ކުރެވިފައިވާ ކަމަށެވެ.

ފުލުހުން ބުނީ މި މައްސަލަ ތަހުގީގު ކުރަމުންގެންދާ ކަމަށެވެ.